Siońnia nočču budzie pik Piersieid — aktyŭnaha mieteornaha patoku, dziakujučy jakomu nieba azarycca jarkimi pałosami ad «padajučych zorak».
Sioleta zarapad idealna supadaje z maładzikom, što zabiaśpiečyć ciomnaje nieba, a śviatło Miesiaca nie budzie zasłaniać ślady mieteoraŭ. Čakajecca niekalki dziasiatkaŭ mieteoraŭ u hadzinu, zastajecca tolki spadziavacca na dobraje nadvorje.
Piersieidy aktyŭnyja štohod z 17 lipienia pa 24 žniŭnia, kali Ziamla prachodzić praz abłomki kamiety Śvifta — Tatła. Jana viartajecca va ŭnutranuju častku Soniečnaj sistemy prykładna raz na 133 hady.
Pik intensiŭnaści Piersieid čakajecca ŭ noč z 12 na 13 žniŭnia, a maksimalnuju kolkaść mieteoraŭ možna budzie ŭbačyć z 5 da 7 hadzin ranicy.
«Padajučyja zorki» možna było nazirać i minułaj nočču: fatohraf Alaksandr Šnaraŭ zrabiŭ niekalki zdymkaŭ načnoha nieba z pralatajučymi mieteorami i padzialiŭsia imi z Onliner.
A siońnia viečaram čakajecca soniečnaje zaćmieńnie.
U Minsku, Hrodnie, Barysavie Miesiac zakryje kala 68% płoščy soniečnaha dyska.
U Minsku zaćmieńnie pačniecca prykładna ŭ 20:10, a maksimalnaja faza nastupić kala 20:42. Da hetaha času Sonca ŭžo budzie znachodzicca nizka nad haryzontam.
Tamu dla nazirańnia lepš vybrać miesca, adkul dobra bačnaja zachodniaja častka haryzontu i ahlad nie pierakryvajuć damy, drevy abo inšyja pieraškody.
Kamientary