Abiacaŭ pieraličyć Marho Novik kala $240 u jakaści kampiensacyi. U vyniku, kaniešnie, prosta źnik.
Marho Novik — śpiavačka sa Žłobina. Jaje debiutny albom — «Eskiz da kachańnia» — darečy, vyjšaŭ u 2020 hodzie na biełaruskaj movie.
Paśla artystka ŭdzielničała ŭ druhim siezonie šou BT «Faktar.baj» — była ŭ kamandzie Volhi Buzavaj i zaniała treciaje miesca ŭ finale.
Ciapier Marho Novik sprabuje skaryć Maskvu — prapanoŭvaje tam svaje ŭroki vakału i pasłuhi pradusavańnia.
Niadaŭna tam artystku źbiŭ samakatčyk. Dziaŭčyna śćviardžaje, što jaje viny ŭ incydencie niama: jana išła pavolna z kraju tratuara, a mužčyna ŭjechaŭ joj u śpinu.
Śpiavačka nastolki razhubiłasia, što zmahła skazać tolki: «Akuratniej treba jeździć». Ad šoku jana navat nie zrazu zrazumieła, što atrymała traŭmy.
Mužčyna dapamoh joj padniacca, zapisaŭ numar telefona, paabiacaŭ pieravieści 20 tysiač rasijskich rubloŭ (kala 240 dalaraŭ) u jakaści kampiensacyi i chucieńka źjechaŭ. Marho ž razhubiłasia i navat nie sfatahrafavała numar samakata.
Biełaruska ž ledź dajšła da apteki, kab nabyć niešta i apracavać rany. Vyniki jana padviała ŭžo na nastupny dzień, kali krychu supakoiłasia: udary i ranki pa ŭsim ciele, adkałoŭsia kavałačak płomby i zuba, padranaje adzieńnie, sapsavanyja abutak i sumka…
Kaniečnie ž, nijakija hrošy nieznajomiec pieravodzić nie staŭ. Marho pryniała rašeńnie źviarnucca pa miedycynskuju dapamohu, a potym razam ź jurystam pajechała ŭ palicyju. Kaža, što ź joj užo źviazalisia pradstaŭniki miascovaha DAI i paviedamili, što znajšli taho samaha samakatčyka.
Pajezdka na samakacie abyšłasia minčancy ŭ 16 tysiač dalaraŭ — stolki daviadziecca patracić na zuby
Nastaśsia Kaściuhova złamała nahu — jechała na samakacie pa Varšavie, kali nasustrač vylecieła aŭto
Lehkavik źbiŭ u Breście dvuch padletkaŭ na samakacie
13‑hadovy śpiavak ź Minska ledź nie zahinuŭ, kali kataŭsia na elektrasamakacie
Kamientary
Nie.