Łukašenka: «Situacyja ŭ nas inšaja. Asabliva paśla ŭčorašniaha pryniaćcia Jeŭrasajuzam adpaviednych rašeńniaŭ. I mnie vašyja reformy zusim nie treba!»
Pra heta jon zajaviŭ siońnia na naradzie ab mierach pa pavyšeńni efiektyŭnaści sacyjalna-ekanamičnaha kompleksu.
Alaksandr Łukašenka rezka raskrytykavaŭ rabotu kiraŭnictva ŭrada.
Nahodaj dla krytyki stała ŭniasieńnie ŭradam na razhlad pakieta prajektaŭ pravavych aktaŭ, u jakich praduhledžvajucca kroki dla vyrašeńnia najaŭnych prablem. Łukašenka adznačyŭ, što ich treba budzie ŭsiebakova razhledzieć i abjektyŭna acanić. Dla hetaha na naradu da Łukašenki było zaprošana šyrokaje koła pradstaŭnikoŭ orhanaŭ ułady.
«Nam treba acanić, nakolki efiektyŭnymi buduć prapanavanyja miery, ci zmohuć jany źmianić situacyju ŭ ekanomicy ŭ ciapierašnich niaprostych umovach», — skazaŭ kiraŭnik krainy.
«Pry hetym chaču padkreślić: usialakija razmovy, prabačcie mianie, što pieratvarylisia ŭ bałbatniu, z nahody niejkaha kryzisu nieprymalnyja! Nijakaha kryzisu niama, kryzis u nas u hałavie!
Źmianilisia ŭmovy, pa asobnych napramkach źmianilisia istotna. Nu i što? Heta što, upieršyniu ŭ našaj historyi?! I nie tolki našaj. My viedajem, jak pracavać u hetych umovach, jak na ich reahavać», — adznačyŭ jon.
«Bolš za toje, i situacyja ŭ nas inšaja. Asabliva paśla ŭčorašniaha pryniaćcia Jeŭrasajuzam adpaviednych rašeńniaŭ», — dadaŭ jon.
Łukašenka źviarnuŭ uvahu, što pradstaŭlenyja jamu na razhlad dakumienty zakranajuć najvažniejšyja śfiery ekanomiki i žyćcia ludziej.
«I mnie vašyja reformy zusim nie patrebnyja, tyja, jakija vy prapanujecie! My pavinny stvaryć narmalnaje žyćcio dla ludziej, funkcyjanavańnia dziaržavy i našaha hramadstva — voś što treba. A to zamiest chleba chočacie ludziam dać niejkuju reformu!» — skazaŭ Alaksandr Łukašenka, źviartajučysia da ŭrada.
Jon nahadaŭ, što ŭ Biełarusi za 20 hadoŭ pabudavali dziaržavu, stvaryŭšy ŭsio nieabchodnaje dla žyćcia ludziej.
«Tamu spynicie hetuju bałbatniu! — zapatrabavaŭ kiraŭnik dziaržavy. — Praciahvajcie ŭdaskanalvać materyjalnuju vytvorčaść, i samaje hałoŭnaje — stvaryŭšy pradukt, pradajcie jaho! Voś i ŭsie reformy!»
«Kali vy heta zrobicie, my pahladzim, na jakim uzroŭni budziem znachodzicca i ŭ jakich umovach pracavać. Moža, heta havorka naohuł źniknie pra niejkija reformy», — dadaŭ jon.
«Ale reformy, jakija iduć nasupierak z tym kursam, jaki my z vami razam abiacali narodu, nieprymalnyja! Heta hałoŭny kryteryj, jak by ni było składana», — padkreśliŭ Alaksandr Łukašenka.
«Rašeńni nie pavinny niehatyŭna paŭpłyvać na sacyjalnuju śfieru», — zaścierahaje Łukašenka.
«Ja ŭžo vam čysta adkryta kazaŭ, pa-ludsku, što kali my uzarviom situacyju ŭ krainie, voś hetaj stabilnaści, spakoju… Vy ž pahladzicie, što vakoł robicca! Niaŭžo vy hetaha nie bačycie? I, kali my ŭ šerah staniem z tymi, chto padarvaŭ hetuju situacyju ŭ krainie, destabilizujem jaje, nam spatrebicca ŭ 10 razoŭ bolš hrošaj, kab vyrulić z toj situacyi», — zajaviŭ Alaksandr Łukašenka.
Jon zaścierahaje, treba dumać, ad praźmierna rezkaha pavyšeńnia kamunalnych płaciažoŭ, nieabchodnaść u jakim uźnikła ŭ vyniku padzieńnia ekanomiki Biełarusi.
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary