Pamierła Hanna Volskaja — žonka i pradziusarka Lavona Volskaha. Joj było 40 hadoŭ
Jana syšła z žyćcia 23 sakavika ad raku małočnaj załozy.
Pra jaje śmierć paviedamlaje sajt Biełaruskaj asacyjacyi žurnalistaŭ.
Hanna Volskaja naradziłasia 11 červienia 1975 hoda. Skončyła Instytut kultury. U 1995—1996 hadach pracavała ŭ rekłamnym adździele lehiendarnaha «Radyjo 101.2», dzie i paznajomiłasia z budučym mužam. U ich naradziłasia dačka Adela, jakoj roŭnieńka ŭ dzień śmierci mamy spoŭniłasia 18 hadoŭ.
Biez Hanny nie było b mnohich vydatnych piesień Volskaha. Jana była mieniedžarkaj kultury — i pry hetym čałaviekam, hłyboka addanym radzimie i svabodzie.
Hanna była dyrektarkaj hurtu N.R.M., źjaŭlałasia niaźmiennaj pradziusarkaj muzyčnaha prajekta «Krambambula» i solnych albomaŭ Lavona Volskaha, vystupała suaŭtarkaj scenaru, pradziusarkaj i navat akciorkaj u niekalkich prajektach dla telekanała «Biełsat» («Śniežny zavułak», «Nazad u budučyniu»).
«Naša Niva» dałučajecca da spačuvańniaŭ siamji niabožčycy.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary