Pa darozie da siabra raptoŭna pamior 41‑hadovy hieroj Rasii z amputavanymi nahami
Jakut Alaksiej «Miadźviedź» Piatroŭ jeździŭ vajavać za 5000 km ad doma i viarnuŭsia na invalidnym vazku.
U Jakucii pamior 41‑hadovy hieroj Rasii Alaksiej Piatroŭ z pazyŭnym «Miadźviedzia». Pavodle papiarednich źviestak, jamu stała drenna pa darozie da siabra — maŭlaŭ, vyklikali chutkuju, ale tyja ŭratavać jakuta nie zmahli.
Ukrainskija supołki pašyrajuć infarmacyju pra toje, što jaho śmierć — ukrainskaja śpiecapieracyja i što «Miadźviedzia» nibyta zadušyli, ale paćviardžeńnia hetamu pakul niama.
U červieni 2024 hoda jakut Alaksiej Piatroŭ zapisaŭsia na vajnu za 5000 kiłamietraŭ ad svajho doma. Padčas bajoŭ va Ukrainie jon zastaŭsia biez abiedźviuch noh, zatoje atrymaŭ zvańnie hieroja Rasii — u lipieni 2025 hoda.
«Jafrejtar Piatroŭ šturmavaŭ varožyja pazicyi, braŭ udzieł u zachopie nasielenych punktaŭ, asabista źniščyŭ niekalki kulamiotnych ahniavych punktaŭ, dziasiatki bajcoŭ i adzinak techniki», — havorycca ŭ niekrałohu.
Pakolki jon pamior doma, to jaho rodnyja nie atrymajuć vajskovych paśmiarotnych vypłat. Kali b zahinuŭ na froncie, to vypłacili b da $200 tysiač. Tak što siamji Piatrova buduć płacić štomiesiac pa $1300 na ŭsich — tolki za jaho status hieroja.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary