Jašče piać hadoŭ tamu heta byŭ drajvier rostu biełaruskaj ekanomiki.
Ci adnaviŭsia siektar?
U 2021 hodzie, paśla imklivaha rostu, jaki pačaŭsia ŭ 2017-m, IT-siektar dasiahnuŭ najlepšych pakazčykaŭ. U Parku vysokich technałohij tady pracavała 78 tysiač čałaviek.
Ale paśla pačatku vajny adbyłasia masavaja rełakacyja kampanij i supracoŭnikaŭ. Ciapier u PVT pracuje 61 tysiača čałaviek.
U 2025 hodzie ekspart pasłuh PVT pieravaliŭ za $2 miljardy — +12% u paraŭnańni z vynikami 2024‑ha (tady było $1,8 miljarda). Ale da pikavych pakazčykaŭ daloka.
«U 2021 hodzie ekspart składaŭ $3,2 miljarda. Ciapier my nazirajem pastupovaje adnaŭleńnie siektara, ale jano adbyvajecca pavolnymi tempami», — adznačaje ekśpiertka BEROC Nastaśsia Łuzhina.
Były drajvier ekanomiki
Najbolš nahladna situacyju z prasiadańniem IT u Biełarusi pakazvaje dola siektara «Infarmacyja i suviaź» u VUP krainy.
Pa vynikach 2025 hoda heta 4,8% ad VUP. I heta najhoršy pakazčyk za bolš čym piać hadoŭ.
Kali IT nazyvali drajvieram rostu ekanomiki Biełarusi, dola siektara «Infarmacyja i suviaź» pieravyšała 7% — 7,3% u 2020‑m i 7,5% u 2021-m.
Piać hadoŭ tamu, u 2021 hodzie, taksama była rekordnaja kolkaść zaniatych u siektary — 125 tysiač čałaviek. Jana skaraciłasia da 104 tysiač u 2024-m. Navat u 2019‑m było bolš — 111 tysiač čałaviek.
«Pakul situacyja pa značnaści siektara horšaja, čym 6‑7 hadoŭ tamu», — dadaje ekśpiertka.
Taksama Łuzhina źviartaje ŭvahu na kolkaść rezidentaŭ PVT — hety pakazčyk apošnija niekalki hadoŭ składaje kala tysiačy kampanij i raście vielmi ścipła.
Kamientary
Darečy, spadar Pra****** pryhoža prakinuŭ łukašystaŭ paśla taho jak jany jaho prynizili publična, maja pavaha.