Farmat strytfud-placovak płaŭna raspaŭsiudžvajecca sa stalicy na abłasnyja centry. U Mahilovie rychtujuć da adkryćcia ŭłasnuju hastranamičnuju prastoru «Palana», zaŭvažyła vydańnie Blizko.by.
Raźmieścicca novaja łakacyja ŭ centralnaj častcy horada, na vulicy Pijanierskaj, niedaloka ad hałoŭnych słavutaściaŭ Mahilova, uklučajučy płošču Lenina.
Ciapier na placoŭcy ŭžo aktyŭna iduć budaŭničyja raboty. Na jaje terytoryi pastavili pieršyja paviljony pad punkty chutkaha charčavańnia.
Jakija mienavita punkty fastfudu buduć pradstaŭlenyja i kali adbudziecca adkryćcio, pakul nie paviedamlajecca.
Zajaŭlajecca, što «Palana» budzie nie prosta vuličnym fudkortam: dla naviedvalnikaŭ rychtujuć paŭnavartasnuju haradskuju prastoru dla adpačynku i volnaha času. Tam płanujuć pravodzić kinapakazy, fiestyvali, majstar-kłasy i spartyŭnyja aktyŭnaści.
Kamientary