Mitrapalit Pavieł źniaŭ z pasady i adpraviŭ u manastyr protaijereja Minskaha Śviataduchavaha sabora
«Za nieadnarazovaje parušeńnie carkoŭnaj dyscypliny i pastyrskaj prysiahi z 2 sakavika 2016 hoda protaijerej Fiodar Paŭłavič Kryvanos vyzvalajecca ad pasady kliryka Śviata-Duchavaha kafiedralnaha sabora horada Minska i zabaraniajecca ŭ bohasłužbach terminam na adzin hod.
Miescam znachodžańnia protaijereja Fiodara Kryvanosa na čas papraŭčaha terminu vyznačyć Uśpienski Žyrovicki mužčynski manastyr», — havorycca va ŭkazie minskaha pravasłaŭnaha mitrapalita Paŭła.
Jak kažuć pravasłaŭnyja aktyvisty, Kryvanosa pakarali za toje, što jon akazaŭsia ŭ pałonie adnoj z raspaŭsiudžanych škodnych zvyčak. Carkoŭnaje načalstva jaho šmat razoŭ papiaredžvała i ŭrešcie nie vytrymała.
Kryvanos šmat zrabiŭ dla kananizacyi pakutnikaŭ, zamardavanych savietami. «Šmat u čym dziakujučy ajcu Fiodaru my i majem takoje śviata, jak Dzień Navamučanikaŭ i Vyznaŭcaŭ Biełaruskich», — paviedamlaŭ partał «Carkva». U pravasłaŭnaj hramadzie jaho mocna za heta pavažajuć i spadziajucca, što ŭ manastyry jamu ŭdasca pieraadoleć svaje słabaści.
Adnačasova archirej zabaraniŭ u słužeńni ijereja Siarhieja Astašonka. Hety śviatar słužyŭ u prychodzie chrama abraza Božaj Maci «Uładzimirskaja» u Minsku. Va ŭkazie mitrapalita havorycca, što śviatara nieabchodna nakiravać u Jelisaviecinski manastyr Minska na pasłušenstva pry chramie.
Taksama pa rašeńni jeparchijalnaha suda «za samavolnaje pakidańnie miesca śviatarskaha słužeńnia» zabaronieny ŭ słužeńni śviatar Hienadź Tarapovič. Jon taksama nakiroŭvajecca ŭ Jelisaviecinski manastyr dla niasieńnia pasłušenstva. «Praz hod biezdakornaha niasieńnia pasłušenstva ŭ manastyry i, u vypadku prymireńnia z žonkaj i ŭźjadnańnia ź siamjoj, budzie razhledžana pytańnie ab adnaŭleńni ijereja Hienadzia u słužeńni ŭ śviatym sanie», — abviaščaje ŭkaz.
-
«Nakiravaŭ aŭtamabil u bok palicyjantaŭ». U polskaj prakuratury prakamientavali spravu sa stralboj pa biełarusie ŭ Polščy
-
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
-
Ministr zamiežnych spraŭ Ukrainy anansavaŭ vizit Cichanoŭskaj u Kijeŭ
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary