Niama nijakich prykmietaŭ taho, što Pucin vyrašyŭ pravieści novuju mabilizacyju — The Guardian
Adnak aściarohi, što novaja mabilizacyja ŭsio ž moža być abvieščana, usio čaściej pranikajuć u paŭsiadzionnyja razmovy.
Niama «nijakich prykmietaŭ» taho, što Pucin vyrašyŭ pravieści novuju mabilizacyju. Pra heta The Guardian paviedamili dźvie krynicy ŭ Maskvie, znajomyja z chodam abmierkavańniaŭ prymusovaha pryzyvu.
Adnak aściarohi, što novaja mabilizacyja ŭsio ž moža być abvieščana, usio čaściej pranikajuć u paŭsiadzionnyja razmovy.
U Telegram-čatach, jakimi karystajucca miascovyja spartyŭnyja kamandy, kalehi pa pracy i kampanii siabroŭ, rasijanie abmieńvajucca čutkami pra mahčymuju mabilizacyju i dzielacca paradami, jak atrymać adterminoŭku abo paźbiehnuć pryzyvu. Niekatoryja miarkujuć, što novaja mabilizacyja moža pačacca paśla vieraśnioŭskich vybaraŭ u Dziaržaŭnuju dumu.
«Zaraz možna tolki zdahadvacca, ci adbudziecca mabilizacyja nasamreč», — skazaŭ Ivan Čuvilajeŭ, pradstaŭnik arhanizacyi Get Lost, jakaja dapamahaje rasijskim vajskoŭcam dezierciravać.
Adnak, pavodle jaho słoŭ, novyja čutki ŭžo vykarystoŭvajucca dla stymulavańnia naboru.
«Panika vakoł mabilizacyi vykarystoŭvajecca čynoŭnikami, kab cisnuć na mužčyn i prymušać ich padpisvać kantrakty, — skazaŭ Čuvilajeŭ. — Pasył taki: mabilizacyja ŭsio roŭna budzie, tamu lepš padpisać kantrakt užo ciapier i atrymać vypłatu, pierš čym vas prymusiać vajavać».
Pavodle acenak zachodnich krain, rasijskija straty składajuć bolš za 30 tysiač zabitych i paranienych u miesiac. Heta vynik źniasilvalnaj taktyki armii — tak zvanaj «miasarubki», pry jakoj vojski znoŭ i znoŭ adpraŭlajuć napierad nievialikimi šturmavymi hrupami, niahledziačy na vialikija straty.
Kamientary