U 2014 Łukašenka prapanoŭvaŭ Polščy razam pasiaredničać u mirnym urehulavańni va Ukrainie, Tusk admoviŭsia
Pra heta raskazaŭ ministr zamiežnych spraŭ Polščy Vitald Vaščykoŭski.
Vaščykoŭski adznačyŭ, što Polšča atrymlivała prapanovu ŭdziełu ŭ pieramovach.
«Da majho ździŭleńnia, znachodziačysia ŭ Biełarusi, razmaŭlajučy z prezidentam Alaksandram Łukašenkam, ja daviedaŭsia, što prezident Biełarusi prapanoŭvaŭ premjeru Tusku razam vystupić ź mirnymi prapanovami ŭ pytańni ŭrehulavańnia kanfliktu. My znajšli dakumienty takich razmoŭ ź Ministerstvam zamiežnych spraŭ, i ŭsio śviedčyć pra toje, što premjer Tusk takoj mirnaj inicyjatyvy nie pryniaŭ», — cytuje kiraŭnika polskaj dypłamatyi Polskaje radyjo.
Z 2014 hoda pieramovy ŭ pytańni Ukrainy iduć u narmandskaha farmacie, heta značyć z udziełam Hiermanii, Francyi, Ukrainy i Rasii.
Novy ŭrad Polščy vinavaciŭ stary ŭ tym, što Polšča nie ŭklučanaja ŭ praces ukrainskaha ŭrehulavańnia.
Jak viadoma, telefonnyja razmovy Alaksandra Łukašenki z tadyšnim premjeram Polščy Donaldam Tuskam i kiraŭnikom Jeŭrarady Hiermanam van Rampiejem adbylisia adrazu paśla taho jak stała zrazumiełaj anieksija Kryma Rasijaj.
Kamientary