У 2014 Лукашэнка прапаноўваў Польшчы разам пасярэднічаць у мірным урэгуляванні ва Украіне, Туск адмовіўся
Пра гэта расказаў міністр замежных спраў Польшчы Вітальд Вашчыкоўскі.
Вашчыкоўскі адзначыў, што Польшча атрымлівала прапанову ўдзелу ў перамовах.
«Да майго здзіўлення, знаходзячыся ў Беларусі, размаўляючы з прэзідэнтам Аляксандрам Лукашэнкам, я даведаўся, што прэзідэнт Беларусі прапаноўваў прэм'еру Туску разам выступіць з мірнымі прапановамі ў пытанні ўрэгулявання канфлікту. Мы знайшлі дакументы такіх размоў з Міністэрствам замежных спраў, і ўсё сведчыць пра тое, што прэм'ер Туск такой мірнай ініцыятывы не прыняў», — цытуе кіраўніка польскай дыпламатыі Польскае радыё.
З 2014 года перамовы ў пытанні Украіны ідуць у нармандскага фармаце, гэта значыць з удзелам Германіі, Францыі, Украіны і Расіі.
Новы ўрад Польшчы вінаваціў стары ў тым, што Польшча не ўключаная ў працэс украінскага ўрэгулявання.
Як вядома, тэлефонныя размовы Аляксандра Лукашэнкі з тадышнім прэм'ерам Польшчы Дональдам Тускам і кіраўніком Еўрарады Германам ван Рампеем адбыліся адразу пасля таго як стала зразумелай анексія Крыма Расіяй.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3737
Каментары