Donald Tramp, jaki pieramoh na prezidenckich vybarach u ZŠA, zajaviŭ, što sustreča z Barakam Abamam u Biełym domie — vialiki honar. Pra heta paviedamlaje VVS.
Abama zaprasiŭ respublikanca dla abmierkavańnia pastupovaj pieradačy prezidenckich paŭnamoctvaŭ.
Amierykanski prezident zajaviŭ, što natchniony ich «vydatnaj hutarkaj pa šyrokim kole pytańniaŭ».
Pradstaŭnik Biełaha doma Džoš Ernest raniej padkreśliŭ, što Abama całkam ščyra paabiacaŭ zabiaśpiečyć pastupovy i paśpiachovy pierachod ułady da respublikanca, adnak dadaŭ: «Ja nie kažu, što sustreča projdzie lohka».
Žonka Tramp Miełani supravadžała miljardera i sustrełasia z sychodziačaj pieršaj łedzi Mišel Abamaj.
Tramp prylacieŭ u Vašynhton ź Ńju-Jorka na pryvatnym samalocie. Jon parušyŭ pratakoł, nie puściŭšy na bort samalota žurnalistaŭ, fatohrafaŭ i apierataraŭ, jakija tradycyjna vandrujuć razam z prezidentam i kandydatam, jaki pieramoh na vybarach.
«Navinavyja arhanizacyi na praciahu niekalkich tydniaŭ sprabavali sfarmavać puł žurnalistaŭ, jakija mahli b supravadžać Trampa adrazu paśla dnia vybaraŭ u vypadku jaho pieramohi. Adnak jaho štab nie reahavaŭ na zapyty, a jahonyja daradcy ŭ sieradu, dzień paśla vybaraŭ, admovilisia abmiarkoŭvać jakija-niebudź damoŭlenaści z presaj», — raskazała ahienctva Asašyejted pres.
Barak Abama padčas pieradvybarčaj kampanii ahitavaŭ za kandydata ad demakrataŭ Chiłary Klintan. Amierykanski prezident i kandydat ad respublikancaŭ nie strymlivalisia ŭ vykazvańniach adzin pra adnaho.
Tramp publična vykazvaŭ sumnievy ŭ amierykanskim hramadzianstvie Abamy, a taksama abiacaŭ pazbavicca ad jaho spadčyny. Amierykanski prezident jašče ŭ vieraśni nazyvaŭ Trampa prafnieprydatnym, adnak paśla vybaraŭ zajaviŭ, što zaŭzieje za pośpiech respublikanca.
Chiłary Klintan u svajoj pieršaj pramovie paśla projhryšu na vybarach zaklikała svaich prychilnikaŭ «dać šaniec» prezidentu Trampu i vykazała nadzieju, što jon stanie paśpiachovym kiraŭnikom dziaržavy.
Šerah prymirenčych zajavaŭ zrabiŭ i sam Tramp. Adrazu paśla pieramohi jon zaklikaŭ usich hramadzian krainy da zhurtavańnia. «Ja budu prezidentam dla ŭsich amierykancaŭ, i heta dla mianie vielmi važna», — zajaviŭ jon.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia11
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary