Paśla «Maršu niedarmajedaŭ» u Minsku zatrymali aktyvistaŭ anarchisckaha ruchu — u transparcie pa darozie z akcyi.
Adznačym, što ŭ časie šeścia jany ŭvieś čas byli na vačach u žurnalistaŭ i ničoha nie parušali. Anarchisty z barabanami byli samymi aktyŭnymi ŭdzielnikami akcyi. Jany ładzili viasiołyja muzyčnyja pierformansy. Na vačach u demanstrantaŭ paśla šeścia jany sieli ŭ tralejbus, adnak źjechali niedaloka.
Na prypynku nasuprać kazino «Biełaja vieža» pa vulicy Maksima Bahdanoviča ludzi ŭ cyvilnym pačali ŭryvacca ŭ tralejbus, brutalna vyciahvać aktyvistaŭ, raspylili ślozaciečny haz.
Žychar Minska Piatro Markiełaŭ strymiŭ videa zatrymańnia — zatrymali i jaho.
A na nastupnym videa vy možacie bačyć, jak žančyny na prypynku sprabujuć abaranić junakoŭ ad cicharoŭ:
«Skacina, za što bješ? Fašysty niedabityja! Za našy padatki!» — kryčać na cicharoŭ žančyny na prypynku, ale marna.
Zatrymańni adbylisia i paśla mitynhaŭ u Hrodnie i Mahilovie. Voś žudasnaje videa źbićcia demanstranta asobami ŭ cyvilnym u Mahilovie:
Piatro Markiełaŭ śćviardžaje, što bałončyki z-pad hazu, jaki raspylali ŭ aŭtobusie, paźniej nieviadomyja padkinuli anarchistam.
Siarod zatrymanych — dziaŭčaty, čyje imiony viadomyja: Jaŭhienija Prakopčyk, Alena Dubovik, Julija Filipava i Maryna Dubina, paviedamlajuć pravaabaroncy-viasnoŭcy. Jany dastaŭlenyja ŭ RUUS Centralnaha rajona. Pa nieŭdakładnienych źviestkach, ahułam u Minsku zatrymana kala 40 junakoŭ, siarod ich i strymier Piatro Markiełaŭ.
Paviedamlajecca, što kala pałovy na dziaviatuju da RUUSa Centralnaha rajona padjechała mašyna «chutkaj dapamohi». Pavodle najaŭnych źviestak, zatrymanych mocna źbivali.
Kala 22:30 la RUUSa sabralisia baćki zatrymanych. Im admaŭlajucca paviedamić, ci tut ich dzieci.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu5
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch2020
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch20
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8585
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie85
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary