Aleksijevič praspansavała saročku dla biełaruskaha etničnaha fotaprajekta
Byłaja palitźniavolenaja žurnalistka Łarysa Ščyrakova raskazała ŭ fejsbuku, jak niečakana atrymała padtrymku ad nobieleŭskaj łaŭreatki pa litaratury Śviatłany Aleksijevič dla svajho fotaprajekta «Etnafotasety».
«Padčas intervju Śviatłanie Aleksijevič ja, miž inšym, raskazała pra svoj fotaprajekt «Etnafotasety». Spadarynia Śviatłana niečakana dastała 100 jeŭra i skazała:
— Kupicie dla vašaha prajekta pryhožuju aŭtentyčnuju saročku.
Skazana — zroblena. Siońnia hetaja cudoŭnaja aŭtentyčnaja saročka ŭžo papoŭniła kalekcyju.
Dla mianie heta nie prosta kaštoŭnaje nabyćcio, ale i vielmi darahi znak padtrymki ad nobieleŭskaj łaŭreatki. Ščyry dziakuj, darahaja spadarynia Śviatłana, za Vašu dapamohu, davier i ŭvahu da majho prajekta», — napisała Łarysa Ščyrakova.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary