Były staršynia Pamiežnaha kamiteta Leanid Malcaŭ staŭ prarektaram prafsajuznaha ŭniviersiteta
Były staršynia Pamiežnaha kamiteta Leanid Malcaŭ, vyzvaleny ad słužby pa ŭzroście, staŭ prarektaram univiersiteta MIPSA («MITSO», raniej Mižnarodny instutyt pracoŭnych i sacyjalnych adnosinaŭ)
Hetuju infarmacyju «Našaj Nivie» paćvierdzili ŭ vyšejnaj navučalnaj ustanovie. MIPSA — prafsajuzny ŭniviersitet. Rektaram tam pracuje kedebist Stanisłaŭ Kniazieŭ, kolišni pieršy namieśnik Administracyi prezidenta.
Da piensii Malcaŭ źmianiŭ šerah vyšejšych pasadaŭ u śfiery dziaržaŭnaj biaśpieki: uznačalvaŭ Radu biaśpieki, byŭ ministram abarony i staršynioj Pamiežnaha kamiteta — tam vialikaj lubovi padnačalenych nie zasłužyŭ, «bo nie moža tankist nami kiravać», — jak kazali «Našaj Nivie» krynicy.
Pry hetym siłavika apisvajuć jak davoli razumnaha i prabiełaruskaha čałavieka.
Adnačasova ź dziaržaŭnaj pracaj, Malcaŭ paśpiavaŭ rabić navukovuju karjeru. U kancy 1990-ych jon staŭ kandydatam sacyjałahičnych navuk z daśledavańniem «Dziejnaść orhanaŭ vajskovaha kiravańnia pa padtrymcy i ŭmacavańni vajskovaj dyscypliny». A ŭ 2004 hienierał abaraniŭ doktarskuju pa palitałohii «Stratehija vajskovaha budaŭnictva ŭ Biełarusi ŭ sučasnych umovach».
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary