Pinski aktyvist damohsia, kab za akcyju niedarmajedaŭ jaho sudzili pa-biełarusku
Sud Pinskaha rajona i horada Pinska pačaŭ paŭtorny rzhlad spravy ŭ dačynieńni da Alesia Aŭsiejenki, jakomu inkryminujecca ŭdzieł u niesankcyjanavanym mierapryjemstvie na płoščy Lenina 26 sakavika, pieradaje «Miedyja-Paleśsie».
Raniej, 27 krasavika, spadar Aŭsiejenka ŭžo byŭ zavočna asudžany za hetyja dziejańni i pakarany štrafam u 20 bazavych vieličyniaŭ. Adnak pinčuk abskardziŭ rašeńnie miascovaha suda. Praz pracedurnyja parušeńni Brescki abłasny sud admianiŭ sudovy vyrak i viarnuŭ spravu ŭ Pinsk.
Z samaha pačatku praces Aleś Aŭsiejenka vyłučyŭ niekalki advodaŭ sudździu Andreju Byčyła, adnak jany nie byli zadavolenyja.
Svaju vinu Aleś Aŭsiejenka nie pryznaŭ, choć i nie admaŭlaŭ, što prysutničaŭ na płoščy 26 sakavika. Jon vystupiŭ z razhornutym śpičam, u jakim apisaŭ padziei taho dnia, abhruntavaŭ svajo prava na ŭdzieł u mirnych akcyjach, daŭ acenku stanu z pravami čałavieka ŭ krainie, nazvaŭ sudovyja pieraśledy ŭdzielnikaŭ mirnych akcyj palityčnymi represijami i prapanavaŭ skončyć jahonuju spravu za adsutnaśćiu składu administracyjnaha pravaparušeńnia.
Taksama padsudny vystupiŭ ź niekalkimi chadajnictvami: praviadzieńnie pracesu pa-biełarusku, vyklik u sud niekalkich śviedak (u tym liku kiraŭnika milicyi Pinska).
Sudździa Andrej Byčyła pahadziŭsia vieści praces pa-biełarusku, vyklikać śviedak (akramia kiraŭnika pinskaj milicyi) i pieranios praces na 10 žniŭnia.
-
U Varšavie zamiežnikaŭ praviarali «patrulnyja» ŭ formie, jakija nie majuć dačynieńnia da dziaržaŭnych orhanaŭ
-
Biełaruska znajšła italjanskuju siamju, jakaja pryniała jaje paśla Čarnobyla. Jana dumała, što italjancy jaje kinuli
-
21‑hadovaha chłopca sa Śvietłahorska pasadzili za palityku. Chłopiec žyŭ u dzietdomie, a niadaŭna sam staŭ baćkam
Ciapier čytajuć
Biełaruska znajšła italjanskuju siamju, jakaja pryniała jaje paśla Čarnobyla. Jana dumała, što italjancy jaje kinuli1
Kamientary