Hetaja vystava dakazvaje, što vopratka i seksualny hvałt nijak nie źviazanyja FOTY
Instalacyja «Što vy nosicie?» — heta 18 kamplektaŭ adzieńnia, u jakich byli achviary, kali ich zhvałcili. Seksualnaja sukienka ci karotki top — nie čyrvonaja anuča dla hvałtaŭnika, bo ŭ jaho pole zroku traplajuć i ludzi, apranutyja zusim zvyčajna.
Zirnicie sami, padobnyja rečy znojducca ŭ kožnaha ŭ šafie. I ŭ hetym hałoŭny mesedž prajekta, jaki ciapier vystaŭlajecca va ŭniviersitecie štata Kanzas.
Instalacyju stvaryli ŭ 2013 hodzie Džen Brokman, dyrektar centra praduchileńnia seksualnaha hvałtu i adukacyi, i doktar Mery A. Vjandt-Chibiert, jakaja kuryruje inicyjatyvy arkanzaskaha centra, što zajmajecca adukacyjaj u pytańniach hvałtu.
Z taho času prajekt paśpieŭ pavandravać pa roznych univiersitetach. Historyi, jakija raskazvaje hetaja vopratka, pieražyli studenty kaledžaŭ i ŭniviersitetaŭ. Jany apisvali toje, što ź imi adbyłosia, na forumach, u intervju, u sacyjalnych sietkach.
Aŭtary prajekta sabrali 40 raspoviedaŭ i adnavili z dapamohaj studentaŭ tyja kamplekty adzieńnia, u jakich byli achviary padčas zhvałtavańnia.
Fota Dženifier Sprahi, huffingtonpost.com.
Čytajcie taksama:
Kamientary