Pasoł Biełarusi ŭ Aŭstryi, pastajanny pradstaŭnik respubliki pry mižnarodnych arhanizacyjach u Vienie Alena Kupčyna abranaja staršynioj 17-j siesii Hienieralnaj kanfierencyi Arhanizacyi Abjadnanych Nacyj pa pramysłovym raźvićci (JUNIDA), pieradaje karespandent BiełTA.
Alena Kupčyna budzie vykonvać abaviazki staršyni da nastupnaj čarhovaj siesii Hienieralnaj kanfierencyi JUNIDA, jakaja adbudziecca ŭ 2019 hodzie. Pradstaŭnik Biełarusi na pasadu kiraŭnika siesii hałoŭnych palityčnych orhanaŭ univiersalnych mižnarodnych arhanizacyj sistemy AAN abrany ŭpieršyniu.
Hienieralnaja kanfierencyja źjaŭlajecca najvyšejšym orhanam JUNIDA, jaki vyznačaje kirujučyja pryncypy i palityku arhanizacyi na najbližejšaje dvuchhodździe. Jana ŭchvalaje prahramu raboty, rehularny i apieratyŭny biudžety, sočyć za efiektyŭnym vykarystańniem finansavych resursaŭ JUNIDA. U 17-j Hienieralnaj kanfierencyi udzielničaje kala dvuchsot delehacyj dziaržaŭ — členaŭ arhanizacyi, ustanoŭ sistemy AAN, mižuradavych i niaŭradavych arhanizacyj.
Padčas siesii budzie razhledžana inicyjavany Biełaruśsiu prajekt rezalucyi pa ŭstojlivym pramysłovym raźvićci krain ź siarednim uzroŭniem dachodu.
Biełaruś na praciahu apošnich hadoŭ aktyŭna ŭzajemadziejničaje ź JUNIDA praktyčna pa ŭsim śpiektry dziejnaści arhanizacyi. U ciapierašni čas JUNIDA realizuje ŭ respublicy prajekty techničnaj dapamohi na ahulnuju sumu kala $ 2 młn. U jakaści pierśpiektyŭnych kirunkaŭ supracoŭnictva razhladajucca pytańni enierhaefiektyŭnaści i ekałahičnaj biaśpieki ŭ pramysłovaści.
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary