Daśledavańnie niamieckich navukoŭcaŭ, jakija prapanavali vykarystoŭvać śpiermatazoidy dla lačeńnia raku matki, apublikavana ŭ ACS Nano, paviedamlaje New Scientist.
U svaich ekśpierymientach śpiecyjalisty vykarystoŭvali śpiermatazoidy dla dastaŭki procipuchlinnaha preparatu daksarubicyna da rakavych tkanak matki. Papiarednie apracavanyja preparatam śpiermatazoidy (daksarubicyn aktyŭna pranikaje ŭ hałoŭki mužčynskich pałavych kletak) zabiaśpiečvali mahnitnymi mikramatorami, jakija kantralavali kirunak ruchu śpiermatazoidaŭ.
Dasiahnuŭšy puchlinnaj tkaniny, śpiermatazoid prylipaŭ da ścienki rakavaj kletki, a ź jaho hałoŭki pačynaŭ pranikać daksarubicyn. Takim sposabam za try dni ŭdałosia źniščyć 87% rakavych kletak.
Navukoŭcy miarkujuć, što takija śpiermaboty mohuć vykarystoŭvacca taksama dla lačeńnia endamietryjozu (razrastańnia kletak unutranaj pavierchni ścienki matki) abo dastaŭki mietatreksatu da zarodka ŭ vypadku pazamatačnaj ciažarnaści.
Pavodle Suśvietnaj arhanizacyi achovy zdaroŭja, štohod u śviecie ad raku šyjki matki pamirajuć kala 300 tysiač žančyn. Dla praduchileńnia zachvorvańnia mižnarodnaja arhanizacyja rekamienduje pryščaplać dziaŭčynak va ŭzroście 9—13 hadoŭ vakcynaj ad papiłomavirusaŭ čałavieka, ź jakimi miedyki źviazvajuć bolšaść vypadkaŭ raku šyjki matki.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary