U chutkim časie źniešni vyhlad Čyrvonaha kaścioła trochi źmienicca
Mnohija minčuki ŭžo zaŭvažyli, što vakoł kaścioła Śviatych Symona i Aleny vyras vysoki mietaličny płot. Pačałasia restaŭracyja śviatyni.
Pavodle prajekta, buduć adnoŭleny razburanyja častki cahlanaha mura i histaryčnaja kanfihuracyja hankaŭ, aŭtentyčnyja vitražy i dachoŭka. Uvohule pierad restaŭratarami staić zadača nablizić chram da pieršapačatkovaha vyhladu, jakim jon byŭ stahodździe tamu.
Ale voś što, badaj, samaje cikavaje: pobač z Čyrvonym kaściołam źjavilisia stendy ź vidarysam davoli vialikaj — trochpaviarchovaj — prybudovy da jaho. Jak paviedamiŭ sajt katolik.life, u joj miarkujecca raźmiaścić duchoŭna-adukacyjny centr. Prapanova pastupiła ad ksiandza-probašča chrama Uładzisłava Zavalniuka.
Zaraz hetaja ideja razhladajecca Ministerstvam kultury — jano musić pryniać kančatkovaje rašeńnie. Pa słovach kiraŭnictva pradpryjemstva «Minskaja spadčyna», jakomu daručana restaŭravać pomnik na płoščy Niezaležnaści, eskiz prybudovy pastupiŭ da ich užo kali raspracoŭka ŭsiaho prajekta była amal skončana i abjom finansavańnia vyznačany. Tamu na pasiadžeńni navukova-mietadyčnaj rady pry Minkulcie prapanovu tearetyčna padtrymali, dali rekamiendacyi pa jaje dapracoŭcy, ale finansavać dadatkovyja pracy kaściołu raili na svoj košt. Ci znojducca ŭ viernikaŭ takija hrošy — pakul adkrytaje pytańnie.
Źviarniem vašu ŭvahu na toje, što, zhodna z prajektam, ułasnaručna zaćvierdžanym Edvardam Vajniłovičam u pačatku XX stahodździa, prybudova da chrama taksama miełasia, adnak vyhladała jana značna, značna bolš ścipła!
Jašče adzin, tak by mović, «ślizki» momant: na malunku, vyniesienym zaraz na ŭsieahulny ahlad, nad prybudovaj uzvyšajecca jašče i vieža — padobnaja na dźvie ŭ ałtarnaj častcy bažnicy. Dyk voś, paradoks u tym, što tyja viežački simvalizujuć pamierłych dzietak Vajniłoviča — a ich, jak viadoma, było dvoje, a nie troje… Cikava, jak stanuć tłumačyć najaŭnaść treciaj viežy ekskursavody svaim turystam?
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali5
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra27
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary