Palityk, što stvaryŭ sabie imidž usiomahutnaha demiurha, zaraz prychavana apieluje da najvyšejšych siłaŭ. A koliś ža adzin viertykalnik skazaŭ: vy trochi vyšejšy za Boha… Piša Alaksandar Kłaskoŭski.
Tolki chacieŭ zapaścić u svoj błoh pra kaladny vystup Łukašenki ŭ chramie, jak patelefanavaŭ z radyjo «Svaboda» Vital Cyhankoŭ dy zrabiŭ blic dla efiru.
Dla tych, kamu nieachvota klikać na hipierlink :), pierakažu ŭražańni ŭ troch skazach.
1 Vonkavy vyhlad i hołas aficyjnaha kiraŭnika nahladna ilustrujuć, što kryzis nie ciotka. Ni pafasu, ni mietału ŭ hołasie.
2. Razam z tym —
kłasičny «smažany lod» jahonaha stylu — iniercyjnaja fraza, što nijakaha kryzisu ŭ krainie niama. Tut teleabjektyŭ pakazalna prajechaŭsia panaramaj pa tvarach roznych načalnikaŭ, što družna pryjšli na nabaženstva. Heta im mesidž: spusku nie budzie!
3. Čałaviek ź imidžam usiomahutnaha kiraŭnika (nie toje słova: faktyčna demiurha!) dy jašče z reputacyjaj «pravasłaŭnaha ateista» cichmiana apieluje da najvyšejšych siłaŭ:
«Ja dumaju, što Hospad nie abydzie i hetym razam kłopatam našu krainu, našu dziaržavu, našych ludziej. Va ŭsiakim razie, apošnija hady najnoŭšaj historyi jon zaŭsiody nas padtrymlivaŭ...».
Voś takoje stojenaje maleńnie. A koliś ža adzin viertykalnik skazaŭ: vy trochi vyšejšy za Boha, i piarečańniaŭ nibyta nie było… Kryzis unios jasnaść :)
Uvohule ž abiacańnie nadalej kazać praŭdu («My nie budziem vam chłusić, i ja najpierš») pradrakaje novyja niepapularnyja rašeńni (a kudy dziavacca?). Zvyš taho, heta zamaskavanaje pasypańnie hałavy popiełam.
Devalvacyja, praviedzienaja ŭ styli «oba-na!», stała kałasalnym imidžavym pravałam kiroŭnaj viarchoŭki.
Rašeńnie abrynuć svaju valutu adrazu na 20%, mahčyma, prymałasia ŭ samy apošni momant. Pakazalna, što nie paśpieli navat prainstruktavać paduładnyja miedyi, i pieršyja dni novaha hoda jany byli prosta ŭ stupary. Dy i potym vystupy drobnych sošak z zapeŭnivańniami, što nijakich padstaŭ dla rostu cenaŭ niama, vyhladali, miakka kažučy, vartymi žalu.
Tym časam nasielnictva raźmiało ladoŭni dy televizary, a pryvatnyja kramy pamianiali cetliki pa schiemie +20%. Pakazalna, što ŭ transparcie i kramach zastupacca za prezidenta nie advažvajecca nichto navat ź ćviordaha elektaratu. Narod vyznačyŭ devalvacyju pa-narodnamu: «kidałava».
Inšaja reč, što
impuls masam heta nadało nie revalucyjny, a chapalna-samaratavalny. Viasnoj varta čakać masavaha akopvańnia na sotkach, viartańnia ŭ paradyhmu raślinnaha vyžyvańnia 90-ch.
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ4
Kamientary