Tam źbirajucca vypuskać 15 madelaŭ viełasipiedaŭ.
U Hrodnie zapuściać vytvorčaść sučasnych viełasipiedaŭ. Prajektam zojmiecca kampanija «Viełasipiedy Makster», paviedamlaje Office Life.
Vytvorčaść zapuściać u svabodnaj ekanamičnaj zonie «Hrodna», na płoščach AAT «Radyjochvala», jakija voźmuć u arendu.
Sumarny abjom inviestycyj aceńvajecca ŭ 3 młn jeŭra. Dla zapusku vytvorčaści płanujuć zakupić vysokatechnałahičnaje abstalavańnie. Terminy realizacyi prajekta pakul nie ahučanyja.
Viadoma, što kampanija płanuje vypuskać viełatechniku dla masavaha spažyŭca. Tut abiacajuć zrabić «sučasny rovar pa razumnaj canie».
U liniejcy novaha vytvorcy budzie 15 madelaŭ: haradskija i prahułačnyja viełasipiedy, hornyja pačatkovaha ŭzroŭniu, hibrydnyja (univiersalnyja horad/pryharad), padletkavyja i junackija. U budučyni pradpryjemstva choča asvoić vypusk haradskich viełasipiedaŭ z elektrapryvadam.
Zajaŭlena, što vytvorčaść budzie impartazamiaščalnaj, a ŭ siarednieterminovaj pierśpiektyvie pradukcyja budzie pieravažna pastaŭlacca na ekspart.
Varta adznačyć, što na viełasipiednym rynku viadomy brend Maxter, heta kitajskaja marka biudžetnych rovaraŭ. Jaho pradukcyja taksama raniej pastaŭlałasia ŭ Biełaruś.
Zaraz rovary ŭ našaj krainie vypuskajuć na «Motaviełazavodzie», na jaho dolu prypadała bolš za pałovu ŭsich prodažaŭ viełatranspartu ŭ krainie. Da 2029 hoda pradpryjemstva płanuje pavialičyć vypusk svajoj pradukcyi ŭ 1,6 razu (ale tut havorka idzie nie tolki pra rovary, ale i matacykły), akramia taho, na zavodzie zajmajucca raspracoŭkaj ułasnaha elektraviełasipieda.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA44
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary