Prezident ZŠA Donald Tramp zajaviŭ, što chacieŭ by bačyć prezidenta Rasii Uładzimira Pucina i kiraŭnika Kitaja Si Czińpina na samicie «Vialikaj dvaccatki» ŭ 2026 hodzie, jaki adbudziecca ŭ Majami.
Pavodle słoŭ Donalda Trampa, Pucina i Si Czińpina možna było b zaprasić jak «naziralnikaŭ».
«Ja byŭ by rady ich prysutnaści. Jany mahli b pryjechać jak naziralniki. Nie ŭpeŭnieny, što jany zachočuć być naziralnikami. Ale kali zachočuć, my, viadoma, možam heta abmierkavać», — skazaŭ Tramp padčas padpisańnia dakumienta ab praviadzieńni mierapryjemstva.
Pry hetym niezrazumieła, čamu Rasija i Kitaj pavinny pryjazdžać jak «naziralniki», kali jany ŭvachodziać u G20 na paŭnapraŭnych umovach. U takim samym statusie Tramp, darečy, prapanavaŭ i prysutnaść Polščy, jakaja prasiła pra heta raniej.
Samit «dvaccatki» adbudziecca ŭ ZŠA ŭpieršyniu z 2009 hoda i budzie prachodzić 14—15 śniežnia 2026 hoda na holf-kurorcie Trampa ŭ horadzie Darale (štat Fłaryda). Arhanizacyjaj paradku dnia mierapryjemstva zajmajecca ministr finansaŭ Skot Biesient, jaki płanuje skancentravacca na pytańniach ekanamičnaha rostu.
U 2025 hodzie ŭ G20 staršyniuje Paŭdniova-Afrykanskaja Respublika. Čarhovy samit arhanizacyi zapłanavany na listapad u Iahaniesburhu, ale Tramp užo admoviŭsia jechać sam i nakiruje tudy vice-prezidenta Džej Dzi Vensa, pakolki niezadavoleny palitykaj PAR.
Pucin atrymaŭ aficyjnaje zaprašeńnie na samit u PAR, ale pakul nie paviedamiŭ, ci prymie jaho. Paśla pačatku vajny z Ukrainaj Rasiju na sustrečach G20 pradstaŭlaje Siarhiej Łaŭroŭ, bo Mižnarodny kryminalny sud vydaŭ ordar na aryšt Pucina.
G20 abjadnoŭvaje 19 krain i dva rehijanalnyja abjadnańni — Jeŭrasajuz i Afrykanski sajuz. Na ŭdzielnikaŭ hrupy prypadaje kala 85% suśvietnaha VUP i 75% mižnarodnaha handlu.
Tramp zajaviŭ, što viadzie z Łukašenkam pieramovy pra vyzvaleńnie častki z 1400 palitviaźniaŭ
Tramp paabiacaŭ nie pakinuć biez adkazu rašeńnie ES aštrafavać Google na 3,5 miljarda dalaraŭ
Tramp: Vašynhton nie rychtujecca da zrynańnia Madury
Tramp vydaŭ ukaz, jaki dazvalaje karać krainy, što niepravamierna zatrymlivajuć amierykancaŭ
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy16
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary