Pa «spravie Hajuna» asudzili šmatdzietnuju maci z Mazyrskaha rajona
U Homielskim abłasnym sudzie asudzili žycharku vioski Kamienka Mazyrskaha rajona, šmatdzietnuju maci Anastasiju Rajeŭskuju. Jaje pryznali vinavataj u tak zvanym «sadziejničańni ekstremisckaj dziejnaści» pavodle art. 361-4 Kryminalnaha kodeksa, piša «Homielskaja viasna».
Dakładnyja detali abvinavačvańnia i miera pakarańnia pakul vyśviatlajucca. Viadoma tolki, što žančynu nie adpravili ŭ turmu — chutčej za ŭsio, joj dali abmiežavańnie voli biez nakiravańnia ŭ kałoniju.
Pavodle pravaabaroncaŭ, pieraśled moža być źviazany z hučnaj «spravaj Biełaruskaha Hajuna» — manitorynhavaha kanała, jaki publikavaŭ infarmacyju pra pieramiaščeńni rasijskich vojskaŭ u Biełarusi. Niedaloka ad vioski Kamienka znachodzicca aeradrom «Vialiki Bokaŭ», jaki pierad pačatkam poŭnamaštabnaha ŭvarvańnia va Ukrainu pierajšoŭ u karystańnie rasijskaj armii.
Anastasija Rajeŭskaja razam z mužam Jaŭhienam haduje traich dziaciej. U 2021 hodzie ŭ siamji naradziŭsia małodšy syn Arciom. U 2022 hodzie pra siamju pisała dziaržaŭnaja presa, adznačajučy, što jany nabyli dom u Kamiency dziakujučy prahramie «siamiejnaha kapitału».
20-hadovaha chłopca ź Lepiela asudzili, vierahodna, pa «spravie Hajuna»
Fłahštok: Pa spravie «Biełaruskaha Hajuna» ŭ adnoj Homielskaj vobłaści zatrymali bolš za 250 čałaviek
Pastara z Chojnickaha rajona asudzili pa «spravie Hajuna»
Śpiecsłužby stvaryli fejkavy bot nibyta dla evakuacyi tych, chto dasyłaŭ infarmacyju «Biełaruskamu Hajunu»
Kamientary