Novaja łakacyja raźmiaściłasia ŭ žyłym rajonie Sokał, pišuć Minsk-naviny.
Jak źjaviŭsia park? Minułaj vosieńniu ŭ subotniku, jaki prachodziŭ u Sokale, braŭ udzieł namieśnik staršyni Minharvykankama Aleh Korzun.
— Jon paraiŭ arhanizavać tut zonu adpačynku, jakaja stała b miescam pryciahnieńnia haradžan, — raspavioŭ namieśnik kiraŭnika administracyi Kastryčnickaha rajona Dźmitryj Lipnicki.
Vybar spyniŭsia na parku, jaki raźmiaščajecca ŭ centralnaj častcy Sokała.
— Ciapier u žyłym rajonie ŭzvodzicca škoła, i budaŭniki raspaviadali, što z katłavana dastavali šmat vialikich kamianioŭ. Padobna na toje, ich pakinuŭ ledavik. My vyrašyli vykarystać hety pryrodny padarunak.
— Pieršapačatkova nakidali niekalki nazvaŭ budučaj ekaściežki. U tym liku «Kamianica», «Kamienny dvor»… ale bolš za ŭsio spadabaŭsia varyjant «Lednikovy pieryjad». Za asnovu kancepcyi vyrašyli ŭziać papularny adnajmienny multfilm. U pačatku ŭładkavańnia zony adpačynku siudy dastavili bolš za sotniu kamianioŭ. Kancepcyja łakacyi niekalki razoŭ karektavałasia.
Naprykład, da fihurak vaviorak (mienavita hety źviarok źjaŭlajecca adnym z hierojaŭ multfilma «Lednikovy pieryjad») dadali vyjavy pieršabytnych ludziej i mamantaŭ, a taksama namioty.
— Padčas budaŭnictva zony adpačynku žychary Sokała padychodzili i cikavilisia: što adbyvajecca? My raźličvajem na śviadomaść miascovych, na toje, što ŭ «Ledavikovym pieryjadzie» buduć hulać siemji, maleńkija dzieci, ludzi stałaha ŭzrostu, — adznačyŭ spadar Lipnicki.
Ciapier čytajuć
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta2
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich2929
Kamientary