U konnym kłubie paśla rasijskaj ataki tolki dźvium žyviołam udałosia vyžyć, siamiora zahinuli, piša «UP».
Padčas rasijskaj ataki ŭ noč na 7 vieraśnia na Kijeŭščynie zahinuli siem koniej, u sacsietkach paviedamili namieśnica staršyni praŭleńnia Usieŭkrainskaj fiederacyi konna-spartyŭnaha turyzmu Lesia Hardzijenka i načalnik Kijeŭskaj AVA Mikałaj Kałašnik.
Siarod zahinułych byli žyvioły, jakija nieŭzabavie pavinny byli vystupić na čempijanacie Ukrainy.
«Napeŭna, heta taksama vajenny abjekt…» — prakamientavała Lesia Hardzijenka prylot šachiedami pa konnym kłubie.
U noč na 7 vieraśnia RF zrabiła masiravanuju ataku pa ŭkrainskich haradach. Rasijskija vojski vykarystali 823 pavietranyja srodki ataki, ź ich 751 udałosia źniščyć.
U stalicy ŭ vyniku padzieńnia abłomkaŭ BpŁA zahareŭsia budynak Kabinieta ministraŭ.
U Kijevie viadoma pra troch zahinułych, u tym liku niemaŭla i jaho maci.
Kamientary