Z-za rasijskich hłušyłak amal 123 tysiačy avijarejsaŭ sutyknulisia z prablemami ŭ navihacyi
Za pieršyja čatyry miesiacy 2025 hoda 122,6 tysiačy avijarejsaŭ na poŭnačy Jeŭropy sutyknulisia z prablemami ŭ navihacyi praz hłušeńnie GPS i inšych spadarožnikavych sistem, jakija, jak adznačajuć šeść jeŭrapiejskich krain (Šviecyja, Finlandyja, Estonija, Łatvija, Litva i Polšča), pachodzili z terytoryi Rasii, piša The Moscow Times.
Tolki ŭ krasaviku prablemy zakranuli ŭ siarednim 27,4% rejsaŭ u rehijonie, a ŭ niekatorych rajonach — bolš za 42%. Parušeńni ŭklučali źmienu navihacyjnych danych i hłušeńnie sihnałaŭ, što vyklikała zboj sistem i niapravilnaje vyznačeńnie kaardynat, a časam prablemy nie ŭdavałasia likvidavać da prylotu ŭ kančatkovy punkt pryznačeńnia. Ahułam paciarpieli 365 avijakampanij.
Krainy nakiravali spravazdaču ŭ Mižnarodnuju arhanizacyju hramadzianskaj avijacyi (ICAO). Ustanoŭlena, što krynicy pieraškod znachodziacca ŭ Kalininhradzie, Sankt-Pieciarburhu, Smalensku i Rastovie. Jeŭrapiejskija avijacyjnyja viedamstvy papiaredzili piłotaŭ i zaklikali avijakampanii ŭzmacnić miery biaśpieki.
ICAO vykazała «surjoznuju zaniepakojenaść» i papiaredziła, što kali Rasija nie prymie miery na praciahu 30 dzion, heta moža razhladacca jak parušeńnie mižnarodnaha prava.
Hłušeńnie GPS u rehijonie Bałtyjskaha mora pačałosia paśla ŭvarvańnia Rasii va Ukrainu i ciapier fiksujecca amal štodnia ad Hdańska da pavietranaj prastory Finlandyi i Estonii.
Dokazaŭ rasijskaha ŭmiašańnia ŭ pasadku samalota z Ursułaj fon der Lajen na borcie nie znajšli
Z-za rasijskaha ŭmiašańnia samalot fon der Lajen siadaŭ u Bałharyi z vykarystańniem papiarovych kart
U finskim sieryjale rasijanie vysadžvajuć desant z samalota «Biełavija». Što robiać Suomi?
«Ciapier zbroja vajny — kłavijatura». Brytanija vydatkuje 1 miljard funtaŭ na madernizacyju kibiervojskaŭ
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ4
Kamientary
bud́ tam choť niemnoho jaic davno dołžny byli priznať RF kak hosudarstvo-tierrorista so vsiemi vytiekajuŝimi.