Brat dziaŭčyny, jakuju złavili na ŭkidzie: «Vieru, što vybary mohuć falsifikavać, što ŭdzielničała maja siastra — nie vieru. Budu ź joj pra heta havaryć»
Hramadstva raźjušyła nachabnaja sproba falsifikacyi hałasavańnia ŭ Breście: naziralnik Juryj Vaščančuk źniaŭ na videa, jak junaha vyhladu łedzi sprabuje ŭkinuć stos biuleteniaŭ u skrynku.
Čytajcie: Naziralnik źniaŭ, jak dziaŭčyna sprabuje zakinuć niekalki biuleteniaŭ u skryniu dla hałasavańnia VIDEA
Žurnalisty jaje identyfikavali — heta maładaja vychavalnica dziciačaha sadka Anastasija Kuličkova. Pa niejkim supadzieńni staršynia ŭčastkovaj vybarčaj kamisii — Taćciana Alaksiejeŭna Mosina — dyrektarka hetaha dziciačaha sadka.
Čytajcie: Dziaŭčynu, što sprabavała ŭkinuć pačak biuleteniaŭ na ŭčastku ŭ Breście, zdajecca, znajšli
Z samoj Anastasijaj Kuličkovaj źviazacca pakul niemahčyma, ale «Naša Niva» pacikaviłasia ŭ jaje brata Alaksieja ab tym, što jon pra ŭsio heta dumaje.
«Nu chto viedaje, što tam była za situacyja? Ja bačyŭ hetaje videa: jana pryjšła hałasavać, da jaje padbieh čałaviek, vykazaŭ niejkuju pretenziju, jana spałochałasia i syšła — narmalna, pa mojmu», — skazaŭ Alaksiej.
Ci dapuskaje jon mahčymaść taho, što vybary ŭ krainie falsifikujucca?
«Dumaju, što heta mahčyma i lohka. Ale ja liču, što maja siastra nie mahła ŭdzielničać u takim, ja ź joj pakul pra heta nie havaryŭ, ale abaviazkova budu. Nie dumaju, što jana mahła na niejkija abiacańni pavieścisia. Čałavieka mohuć prosta padbuchtoryć, jak heta ŭ našaj krainie padbuchtorvajuć iści hałasavać na vybary, mienavita kiraŭnictva — z raboty ci štości takoje», — padsumavaŭ jon.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj18
Kamientary
Albo pakul my nie pačniem falsifikavać vybary, to ani milicyja, ani ŭłady nie buduć zmahacca z hetym.
Klučavy tut vyraz: "rabić sami", - i heta samaje składanaje...