Naziralnik źniaŭ, jak dziaŭčyna sprabuje zakinuć niekalki biuleteniaŭ u skryniu dla hałasavańnia VIDEA
Videa źniata naziralnikam Juryjem Vaščančukom na ŭčastku № 37 Bresckaj-Uschodniaj akruhi №3, piša Radyjo Svaboda.
Na videa dziaŭčyna, trymajučy stos papiery ŭ rukach, padychodzić da skryni dla hałasavańnia. Kali naziralnik prosić jaje pakazać, kolki ŭ jaje ŭ rukach biuleteniaŭ, jana moŭčki razvaročvajecca i chutka sychodzić.
«Mnie padałosia, što biuleteń, jaki apuskała adna žančyna, upaŭ u skryniu vielmi hučna. Nibyta jon zanadta ciažki. Ja staŭ źviartać uvahu na heta i zaŭvažyŭ, što jašče adna para stałych ludziej kinuła, jak mnie padałosia, pa niekalki biuleteniaŭ. I voś adnu dziaŭčynu ja spyniŭ. Ja nia moh pieraškodzić zakidvać biuleteni», — kaža Vaščančuk.
Na videa vidać, što dziaŭčyna razhublenaja i chutka sychodzić, nie zakinuŭšy biuleteni. Pry hetym čuvać žanočy hołas, jaki kaža «Vyjdzicie, vyjdzicie». Vaščančuk śćviardžaje, što heta hołas staršyni kamisii.
Pavodle jaho, razychodžańniaŭ u kolkaści vybarcaŭ, jakija zafiksavali naziralniki ŭ pieršy dzień daterminovaha hałasavańnia, i aficyjnym pratakołam, niama. Jury Vaščančuk budzie padavać zajavu ŭ Akruhovuju vybarčuju kamisiju z nahody hetaha incydentu.
Vybarčy ŭčastak mieścicca ŭ budynku ŽES-11. Staršynia vybarčaj kamisii — Taćciana Alaksiejeŭna Mosina.
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary