Karcina Beza Łurmana – epas, dzie spałučajucca mieładrama i kamiedyja, kadry viesterna – i šamanskija śpievy, detektyŭ – i sacyjalnaja krytyka.
Aŭstralija (Australia)
Aŭstralija – ZŠA, 2008, kalarovy, 165 chv.
Režysior: Bez Łurman
Roli vykonvajuć: Nikol Kidman, Hju Džekman, Brendan Ŭołterz, Edzi Baru, Brajan Braŭn, Dejvid Ŭenham
Žanr: Epičnaja drama
Adznaka: 7 (z 10)
Anhielskaja arystakratka Ešli (Nikol Kidman) nakonadni Druhoj suśvietnaj vajny pryjaždžaje da muža ŭ Aŭstraliju. Tolki muž zabity, fiermu abkradajuć – i treba pierahnać 2000 bykoŭ za sotniu milaŭ u horad Darvin. Dapamahčy vyklikajecca hruby pahonščyk Drover (Hju Džekman). Ale Aŭstralija ŭžo pad prycełam japonskim bambardziroŭščykaŭ.
Karcina Beza Łurmana – epas, dzie spałučajucca mieładrama i kamiedyja, kadry viesterna – i šamanskija śpievy, detektyŭ – i sacyjalnaja krytyka. Kaktejl, jaki musiŭ być niesumiaščalnym – chacia i nie bieź ciažkaściaŭ, atrymaŭsia.
Piejzažy pustyni – i raźjušany statak, jaki niasiecca na maleńkaha chłopčyka; bali j śvieckija plotki, bomby nad horadam – i luboŭ pad drevam, kienhuru; kinateatr, abmyty daždom.
Aŭstralijec Bez Łurman – zrabiŭ epas pra krainu, jakaja niadaŭna nabyła j asensavała svaju historyju. My pryzvyčailisia, što Aŭstralija – heta dziŭnyja žyvioły, pustyni, karałavyja ryfy – rajskaje miastečka pamierami z kantynient. Ale ŭ hetym miastečku razhortvalisia svaje žarści.
Maleńki chłopčyk, ad imia jakoha viadziecca apaviadańnie – abaryhien, mietys. Aŭstralija nie paźbiehła rasisckich zababonaŭ – i halivudskija hieroi hodna zmahajucca z hetymi zababonami.
Kamientary