«Duša futboła nie pradajecca». UEFA praviadzie ekstrannaje pasiadžeńnie ŭ suviazi z płanami FIFA pryciahnuć da finansavańnia turniraŭ pryvatnych inviestaraŭ
Jeŭrapiejski futbolny sajuz užo daŭno znachodzicca ŭ kanfrantacyi ź mižnarodnaj futbolnaj asacyjacyjaj pa šerahu pytańniaŭ.
UEFA praviadzie ekstrannaje pasiadžeńnie, kab vypracavać svaju pazicyju adnosna sprečnych prapanoŭ FIFA i jaje prezidenta Džani Infancina nakont novaj schiemy ŭdziełu zacikaŭlenych bakoŭ u dachodach ad čempijanataŭ śvietu, piša Bi-bi-si.
Jeŭrapiejski futbolny sajuz užo daŭno znachodzicca ŭ kanfrantacyi ź mižnarodnaj futbolnaj asacyjacyjaj pa šerahu pytańniaŭ.
Novaja chvala krytyki z boku UEFA ŭźniałasia paśla taho, jak stała viadoma, što FIFA nakiravała ŭsim 211 nacyjanalnym futbolnym asacyjacyjam list, u jakim zapatrabavała da 19 vieraśnia vykazać svaju pazicyju adnosna prapanovy Džani Infancina ab pryciahnieńni pryvatnych inviestycyj dla finansavańnia turniraŭ usich uzroŭniaŭ.
Pavodle viersii FIFA, taki padychod dazvolić kožnaj nacyjanalnaj asacyjacyi atrymać dadatkovaje finansavańnie 40 miljonaŭ dalaraŭ. Pieršy tranš u 20 miljonaŭ dalaraŭ abiacajuć pieraličyć nieŭzabavie paśla zaćviardžeńnia hetych płanaŭ.
Adnak krytyki hetaj inicyjatyvy abvinavačvajuć Infancina ŭ sprobie ŭzbahacić siabie i svajo atačeńnie, a taksama dać mahčymaść zarabić upłyvovym siabram.
Miarkujecca, što pryciahnieńniem inviestaraŭ u novaj schiemie budzie zajmacca inviestycyjnaja kampanija Thrive Capital, zasnavanaja Džošua Kušnieram — rodnym bratam Džareda Kušniera, ziacia prezidenta ZŠA Donalda Trampa.
«Nam stała viadoma, što FIFA ŭstanaviła nacyjanalnym asacyjacyjam termin, da jakoha jany pavinny padtrymać jaje prapanovy, inakš prapanova ab adnarazovaj vypłacie budzie adklikana. Heta havoryć pra hety płan usio, što treba viedać», — adznačajecca ŭ zajavie UEFA.
Heta ŭžo druhaja zajava UEFA pa hetym pytańni. U pieršaj arhanizacyja zajaviła, što FIFA «pierajšła miažu».
Što za płan Infancina?
U svaim liście nacyjanalnym asacyjacyjam Infancina nazvaŭ prajekt «adzinaj i ŭnikalnaj mahčymaściu finansavańnia» mižnarodnaha futboła praź pieradaču pryvatnym inviestaram 20‑pracentnaj doli kamiercyjnych pravoŭ na turniry FIFA.
Dla hetaha, jak paviedamlałasia raniej, FIFA płanuje stvaryć daččynuju strukturu FIFA Forward Enterprise (FFE), jakaja abjadnaje ŭsie kamiercyjnyja i apieracyjnyja aktyvy arhanizacyi.
FIFA raźličvaje ŭžo da kanca hoda pryciahnuć bolš za 4 miljardy dalaraŭ (z zajaŭlenych 20 miljardaŭ) šlacham prodažu inviestycyjnych pakietaŭ doŭhaterminovym inviestaram.
Pavodle płana, FFE, zastajučysia pad poŭnym kantrolem FIFA, budzie kiravać nie tolki mižnarodnymi spabornictvami, ale i kłubnymi čempijanatami roznych krain.
Infancina pierakanany, što novyja prapanovy dapamohuć finansavać lepšyja futbolnyja pali, macniejšyja nacyjanalnyja zbornyja, pašyreńnie mahčymaściej dla maładych futbalistaŭ i dalejšaje raźvićcio žanočaha futboła.
U svaim liście jon adznačyŭ, što ŭ vypadku zhody ŭsich zacikaŭlenych bakoŭ «u miežach nastupnaha finansavaha cykłu, jaki pačniecca 1 studzienia 2027 hoda, kožnaja nacyjanalnaja asacyjacyja zmoža atrymać finansavańnie ŭ pamiery da 40 miljonaŭ dołaraŭ».
«Kali ž vy addaście pieravahu zachavańniu status-kvo i adchilicie hetuju prapanovu, zastaniecca ŭ sile raniej pradstaŭlenaje nami pašyreńnie prahramy Forward (prahramy finansavańnia raźvićcia futboła) ahulnym abjomam 2,7 miljarda dalaraŭ», — havorycca ŭ liście.
Infancina padkreśliŭ, što kančatkovaje rašeńnie całkam zastajecca za nacyjanalnymi asacyjacyjami.
«Heta častka demakratyčnaha pracesu, pracesu kansultacyj. I pierš za ŭsio heta mahčymaść, a nie abaviazak, — zajaviŭ jon u sieradu. — Heta ŭnikalnaja mahčymaść nadać raźvićciu futboła va ŭsim śviecie novy impuls».
U jakaści prykładu stanoŭčych vynikaŭ svajoj dziejnaści FIFA pryvodzić pieršy ŭ historyi vychad na čempijanat śvietu zbornych Kaba-Vierde, Kiurasaa, Iardanii i Uźbiekistana, choć hetamu taksama spryjała pašyreńnie kolkaści ŭdzielnikaŭ turniru da 48 kamand.
FIFA taksama spasyłajecca na «Formułu-1», Ła Lihu, Lihu 1 i Bundeślihu jak na prykłady spartyŭnych arhanizacyj, jakija vykarystoŭvajuć śpiecyjalizavanyja kamiercyjnyja struktury.
Pry hetym arhanizacyja padkreślivaje, što pryvatnyja inviestary «ni pry jakich abstavinach» nie buduć upłyvać na praviadzieńnie čempijanataŭ śvietu.
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary