U Niepale zatrymali dvaich maładych biełarusaŭ z 6 kiłahramami kakainu
21-hadovyja hramadzianie Biełarusi Pavieł Vasiljeŭ i Alina Ałdošyna byli zatrymanyja 21 śniežnia ŭ aeraporcie Katmandu za sprobu pravieźci 6 kh kakainu, paviedamlaje Reform.by sa spasyłkaj na niepalskaje Biuro pa kantroli za narkotykami.
Biełarusy nakiroŭvalisia ŭ Hankonh. Narkotyk byŭ schavany ŭ padšeŭkach vaśmi zimovych kurtak ŭ ich bahažy.
Paśla dopytu jany pryznalisia, što kakain im pieradali dvoje hramadzian Balivii. Raniej biełarusy i balivijcy nie byli znajomyja adno z adnym. Balivijcy prybyli ŭ Katmandu z Brazilii praz Efiopiju i Indyju 19 śniežnia razam z kakainam, a biełarusy prylacieli ŭ Niepał ź Biełarusi praz Turcyju ŭ toj ža dzień. Usie čaćviora sustrelisia ŭ hateli dla pieradačy narkotyku.
Pa viersii pradstaŭnikoŭ Biuro pa kantroli za narkotykami, biełarusy i balivijcy źjaŭlajucca kurjerami brazilskaj złačynnaj hrupoŭki, jakaja zajmajecca kantrabandaj kakainu pa usimi śviecie. Kakain nazyvajuć narkotykam dla bahatych, tamu Niepał ŭ hetaj schiemie tolki tranzitnaja kraina.
Kamientary