Biełaruś uvajšła ŭ suśvietny top-10 pa doli žančyn u nasielnictvie
Prajekt visualcapitalist vizualizavaŭ danyja Suśvietnaha banka za 2023 hod i praranžyravaŭ krainy z najbolšaj dolaj žančyn u nasielnictvie, piša Thinktanks.pro.
Na pieršym miescy ŭ suśvietnym rejtynhu apynuŭsia Hankonh, dzie dola žančyn u nasielnictvie składaje 54,9%. Na druhim miescy raźmiaściłasia Małdova z pakazčykam 54%. Treciaje miesca dastałasia Makaa: 53,9%.
Biełaruś i ŭsie jaje susiedzi, akramia Polščy, taksama ŭvajšli ŭ top-15 krain z samaj vysokaj dolaj žančyn siarod nasielnictva.
Łatvija raźmiaściłasia na čaćviortym miescy — tam dola žanočaha nasielnictva skłała 53,7%.
Rasija i Ukraina zaniali 6 i 7 miescy adpaviedna. U Rasii hety pakazčyk zafiksavany na ŭzroŭni 53,6%, a va Ukrainie: 53,5%.
Biełaruś ža zaniała dziaviataje miesca. U nas dola žančyn u nasielnictvie skłała 53,4%. Litva raźmiaściłasia na 11‑m miescy z pakazčykam 52,8%.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary