Błohieru Šeramu katu dali ŭžo 105 sutak. Termin moža jašče pavialičycca
Błohiera Źmiciera Kazłova («Šery kot»), jaki 21 studzienia vyjšaŭ na volu paśla 25 sutak aryštu, znoŭ vyklikali ŭ milicyju. Načalnik milicyi horada Barani Vałčkoŭ paprasiŭ Kazłova pryjści dla aznajamleńnia z pastanovaj suda, jakaja pryjšła ź Minsku. «Šery kot» płanuje pajści ŭ milicyju ŭ 14 hadzin 24 studzienia, paviedamlaje PC «Viasna».
Vierahodna, milicyjant mieŭ na ŭvazie pastanovu suda Maskoŭskaha rajona Minska ad 26 śniežnia, zhodna ź jakoj błohier atrymaŭ jašče 15 sutak aryštu. Pra taki vynik jon daviedaŭsia tolki 23 studzienia.
Kazłoŭ dumaŭ, što ź milicyi jaho chutčej za ŭsio adpraviać u izalatar dalej adbyvać sutki aryštaŭ, jakich u jaho zastałosia 80. «Šery kot» pryjšoŭ u milicyju z usimi nieabchodnymi dla «sutak» rečami. Ale ŭ vyniku jamu dali pozvu na 27 studzienia ŭ Leninski sud Minska, dzie budzie razhladacca jaho apošniaja administracyjnaja sprava — za ŭdzieł u akcyi 8 śniežnia. Takim čynam błohier zastajecca na voli.
Nahadajem, što Źmicier Kazłoŭ byŭ zatrymany ŭviečary 25 śniežnia. Na nastupny dzień u sudzie Aršanskaha rajona jaho asudzili za zakliki da ŭdziełu ŭ akcyi 7 śniežnia i adpravili adbyvać 15-sutkavy aryšt. Padčas znachodžańnia pad vartaj jaho asudzili jašče piać razoŭ, i na kožnym sudzie jon atrymlivaŭ novyja 15 sutak. Uviečary 21 studzienia błohier niečakana vyjšaŭ na volu. Kazłoŭ patłumačyŭ, što jaho časova adpuścili, paviedamiŭšy, što ŭ izalatary nibyta budzie pravodzicca dezynfiekcyja.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im6
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary