Iłhać nie charam? Karanavirus u Biełaruś pryjšoŭ z krainy, jakaja chavała jaho najaŭnaść
Pieršy vypadak karanavirusa ŭ Biełarusi vyjaŭleny ŭ studenta ź Irana. Nie vypadkova. Vielmi mahčyma, što teakratyčny režym Irana doŭhi čas prychoŭvaŭ situacyju z karanavirusam.
Reč u tym, što ŭ Iranie adbyvalisia parłamienckija vybary — kali možna nazvać vybarami praceduru, pry jakoj ułady, muły adsiejvajuć kandydataŭ pa svaim žadańni. I ŭłady bajalisia za jaŭku vybarcaŭ (łahična).
U vyniku pieršaha chvoraha na karanavirus iranca vyjavili, kali jon prybyŭ u Kanadu. Tolki paśla hetaha ŭłady Irana abvieścili pra najaŭnaść chvorych u śviatym dla šyitaŭ horadzie Kum.
Miarkujecca, što infiekcyju tudy pryvioz handlar-čaŭnok, jaki časta byvaŭ va Uchani (Kitaj), dzie adbyłasia pieršaja ŭspyška.
Try dni tamu zaražanych, jakija pryjechali ź Irana, vyjavili va ŭsich susiednich ź im krainach. Tym časam ułady Irana ŭsio jašče zajaŭlali tolki pra 145 infikavanych i 16 pamierłych. Niemahčymaja praporcyja: ad karanavirusa na siońnia pamiraje kala 2% ludziej.
Tym časam deputat parłamienta ad Kuma tyja samyja try dni tamu zajaviŭ, što ŭ hetym horadzie ad virusnaj pnieŭmanii pamierli jak minimum 50 čałaviek, što aznačaje najaŭnaść tysiač zaražeńniaŭ.
Pra sapraŭdny maštab epidemii ŭ Iranie śviedčyć toj fakt, što tam zachvareli vice-prezidentka krainy, a taksama namieśnik ministra achovy zdaroŭja i dva deputaty parłamienta.
Čytajcie taksama: Zabaroniena nie značyć nielha. Jak žyvie Iran — nielibieralnaja, ale pluralistyčnaja dziaržava
Bolšaść susiednich krain spynili avijaspałučeńnie ź Iranam.
Student ź Irana prylacieŭ u Biełaruś praz Baku.
«Relihijnaść» iranskaha režymu nie pieraškodziła jamu niekalki dzion manić pra źbićcio ŭkrainskaha samalota na padlocie da Tehierana — zahinuli 170 hramadzian, pieravažna samoha Irana. Jak vyjaviłasia, dyktatarskamu režymu nie charam iłhać i pra śmiarotnuju chvarobu.
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
Ciapier čytajuć
«Biełaruskaja Barbi» Kaciaryna Koba vyjšła zamuž u Šviejcaryi. Imavierna, za tajamničaha rasijskaha multymiljaniera3
«Biełaruskaja Barbi» Kaciaryna Koba vyjšła zamuž u Šviejcaryi. Imavierna, za tajamničaha rasijskaha multymiljaniera
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»88
Kamientary