Teatr imia Jakuba Kołasa ŭ Viciebsku admianiŭ śpiektakli, adzin z artystaŭ u reanimacyi
Admienieny byŭ niadzielny śpiektakl «Jašče raz pra kachańnie» pavodle Vasila Šukšyna, a taksama pjesa Kiena Ludviha «Šukajem tenara!» 31 sakavika, paviedamlajuć Narodnyja naviny Viciebska.
U horadzie admienu śpiektaklaŭ źviazvali z tym, što nibyta niekalki artystaŭ zachvareli na COVID-19. Jak vyśvietlili «NNV», napeŭna viadoma ab adnym stanoŭčym teście na karanavirus u kołasaŭca. Hety artyst padklučany da aparata štučnaj vientylacyi lohkich, jaho stan stabilna ciažki.
— Da 18 krasavika my pracujem u repietycyjnym režymie, - paviedamiŭ TUT.BY dyrektar dramteatra Alaksandr Starych. — Śpiektakli admianili ŭ suviazi ź nizkaj zapaŭnialnaściu hladzielnaj zały. Ludzi nie chodziać ciapier u teatr. Kvitki pradajucca mała, a byvaje, i naohuł nie pradajucca. I heta pajšło ź siaredziny sakavika. Tamu pakul, da 18 krasavika — repietycyjny režym, a dalej budziem hladzieć na situacyju. Tamu što kožny dzień - jak novy.
Pa słovach A. Starych, na karanavirus zachvareŭ adzin čałaviek. U jaho zapaleńnie lohkich, znachodzicca ŭ reanimacyi. Test na karanavirus u jaho pakazaŭ stanoŭčy vynik.
Usiaho ž na balničnym pa stanie na 30 sakavika znachodziacca 11 supracoŭnikaŭ teatra:
- Jość zapaleńnie [lohkich], jość VRZ, jość VRVI - va ŭsich roznyja dyjahnazy. Ale dva, a mahčyma, i try supracoŭniki ŭžo zaŭtra vychodziać na pracu.
Alaksandr Starych padkreśliŭ — karancinu ŭ teatry niama.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»14
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2525
Kamientary