Mieljancoŭ: Jakim treba być kliničnym idyjotam, kab pierakanać siabie, što rejtynh Łukašenki — 3%?
Hetaja prezidenckaja kampanija skončycca ŭ lepšym vypadku jak u 2015 hodzie, a ŭ horšym — jak u 2010 hodzie, miarkuje praŭładny palitołah Dzianis Mieljancoŭ. Pra heta jon napisaŭ u svaim fejsbuku.
«Naziraju za prezidenckimi kampanijami z 2001 hoda. U niekalkich paŭdzielničaŭ u roznych jakaściach. I voś što mianie kožny raz biantežyć, dyk heta što kožnaja novaja kampanija niaźmienna prezientujecca ŭdzielnikami jak unikalnaja, biesprecedentnaja, «nikoli takoha nie było» i t.p. Takija emocyi całkam zrazumiełyja dla nieafitaŭ, jakich zachaplaje novy vopyt i dla jakich pavinna być svaja «płošča» [pa-biełarusku ŭ aryhinale — NN] dla vypuskańnia pary i zaziamleńnia «fejsam ab tejbł». Ale voś kali hetym hrašać dastatkova adukavanyja i vopytnyja ludzi, jakija całkam sabie adbylisia, — u mianie heta vyklikaje ščyraje ździŭleńnie, — piša Mieljancoŭ.
— Voś, naprykład, jakim treba być kliničnym idyjotam, kab pierakanać siabie, što rejtynh Łukašenki 3% i astatnija 97% - heta prahresiŭnyja, demakratyčnyja, prajeŭrapiejskija biełarusy? Technałohija technałohijaj, heta ŭsio zrazumieła. Ale voś kali ludzi sa stupieniami, jakim «hadoŭ pad sr**u» [pa-biełarusku ŭ aryhinale — NN], ź pienaj u rocie ŭ pryvatnaj hutarcy heta dakazvajuć i hatovyja prasoŭvać choć hazpramaŭskaha mieniedžara, choć byłoha łukašenkaŭskaha pamočnika z kałamutnymi suviaziami z RF, — heta sapraŭdy cikavy pradmiet dla daśledavańnia.
I voś heta voś kožny raz, — piša Mieljancoŭ. — Potym akazvajecca, što realnaść zusim nie takaja, i heta vielmi dachodliva dajecca im u adčuvańniach. Dalej nadychodzić załomvańnie ruk, rasčaravańnie i depresija.
Sioleta — ničoha novaha. Tyja ž staranna vyvieranyja kampanii pa padručnikach i tyja ž ukinutyja ŭ masavuju śviadomaść łozunhi i miemy, jakija nie majuć ničoha supolnaha z realnaściu. Taja ž samaja ažytacyja siarod moładzi i tvorčaj intelihiencyi. Taja ž samaja rytoryka pra niebyvałuju Salidarnaść i biesprecedentnuju Salidarnaść i biesprecedentnuju ž chvalu represij. I potym heta natorkajecca na «łom» u vyhladzie dziaržaŭnaj mašyny, jakaja pracuje biez zadum i šmatchadovak, tak, jak jana pracavała zaŭsiody, vyrazajučy pahrozy na stadyi parastkaŭ (toje, što apanientami zvyčajna traktujecca jak słabaść i bajaźlivaść). I ŭsio. Miarkujučy pa reakcyi hałoŭnych apanientaŭ, nichto ź ich nie hatovy na realnaje palityčnaje supraćstajańnie i baraćbu za realnuju ŭładu. Dy i niama dla jaho adpaviednych umoŭ (naprykład, raskołu ŭ elitach). A značyć heta ŭsio na karyść biednych było. I skončycca heta kampanija ŭ horšym vypadku jak u 2010 hodzie, a ŭ lepšym — jak u 2015-m. Ale zastajucca pytańni: jak? i navošta?» — pytajecca jon.
Kamientary