U park Družby narodaŭ, dzie musić prajści mitynh u padtrymku Cichanoŭskaj, nahnali vajskovaj techniki dla vystavy
U park Družby narodaŭ, dzie siońnia pavinien prajści mitynh-kancert u padtrymku Śviatłany Cichanoŭskaj, z ranicy nahnali šmat vajskovaj techniki, jość vajenna-palavaja kuchnia navat.
Siońnia tam ułady vyrašyli pravieści śviatkavańnie Dnia čyhunačnych vojskaŭ. Adbudziecca taksama aficyjny kancert, dzie vystupiać Alaksandr Saładucha i Žaniet.
Kiroŭcu štaba Śviatłany Cichanoŭskaj, što sprabavaŭ prajechać, kab pačać razhružać svaju techniku, aštrafavali za toje, što padjechaŭ pad zabaronieny znak. Strym viało «Jeŭraradyjo».
Takim čynam, kab lehalna trapić na scenu, dzie budzie mitynh-kancert u padtrymku Cichanoŭskaj, treba iści z technikaj niekalki sotniaŭ mietraŭ.
Pradstaŭnica štaba Volha Kavalkova nastojvaje, što nijakaha aficyjnaha paviedamleńnia pra admienu mitynha jany nie atrymlivali. Volha sprabavała dabicca kamientaroŭ u supracoŭnikaŭ DAI, jakija prysutničali na miescy, ale jany skazali, što treba jechać u RUUS.
Kavalkova vykazała mierkavańnie, što situacyja z praviadzieńniem/nie praviadzieńniem mitynhu prajaśnicca kančatkova pad abied. I nie vyklučyła, što mitynh-kancert projdzie na inšaj placoŭcy ŭ stalicy. Choć amal usie jany taksama zareziervavanyja pad mierapryjemstvy aficyjnych uładaŭ.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy18
Kamientary