Novym palitviaźniem staŭ anarchist Akichira Hajeŭski-Chanada. Što pra jaho viadoma?
Pravaabaroncy dapoŭnili śpis palitviaźniaŭ, jakim inkryminujuć arhanizacyju ci ŭdzieł u «masavych biesparadkach». Adzin z novych palitviaźniaŭ — Akichira Hajeŭski-Chanada, syn rabotnicy japonskaj ambasady i biełarusa.
Akichiru 20 hadoŭ. Jon skončyŭ minskuju himnaziju №19. Byŭ łaŭreatam śpiecyjalnaha fonda pa padtrymcy adoranych navučencaŭ i studentaŭ. Vučyŭsia ŭ BDU, ale paśla pastupiŭ u EHU.
Jaho tata — biełarus Śviatasłaŭ Hajeŭski, trenier pa karate, rodam sa Słucka. Mama — Tamoka Chanada, pracavała sakratarom pa kultury japonskaj ambasady ŭ Biełarusi. Historyju ich znajomstva svajaki Śviatasłava raspaviadali słuckamu «Kurjeru»:
«Śviatasłaŭ Hajeŭski ź piataha kłasa byŭ zachopleny japonskaj kulturaj. Potym prafiesijna zaniaŭsia karate i… zakachaŭsia ŭ japonku! Paznajomiŭsia ź joj u Biełarusi, kali źviartaŭsia ŭ pasolstva pa pasłuhi pierakładčyka. A potym na hod adpraviŭsia ŭ Japoniju. Tamoka padčas adpačynku pryjechała na radzimu. Tam i pačaŭsia ich raman. Viasielle śviatkavali ŭ Tokia, a potym adpravilisia ŭ viasielnaje padarožža i praviali adnu z načej u staradaŭnim pałacy impieratara ŭ Kijota».
Jak ža tak zdaryłasia, što chłopiec trapiŭ za kraty?
«Naša Niva» źviazałasia z baćkam Akichiry, Śviatasłavam Hajeŭskim. Jon paviedamiŭ, što pakul nie moža prakamientavać situacyju.
Znajomyja chłopca raspaviali nastupnaje: 12 žniŭnia Akichira vyjšaŭ na akcyju pratesta, jaho zatrymali. Nibyta praz dva dni vypuścili, ale zatym Akichiru i anarchista, byłoha palitviaźnia Alaksandra Franckieviča zabrali znoŭ i źmiaścili ŭ SIZA. Pryčynaj, miarkujuć siabry Akichiry, mahli stać źviestki z telefona chłopca: jon byŭ padpisany na šerah anarchisckich supołak.
«12 žniŭnia Akichiru zatrymali razam z maim synam, — raspaviała «Našaj Nivie» Taćciana, mama Alaksandra Franckieviča. — Pryjazdžali zatrymlivać hetaha chłopca, a Saša ŭ hety momant byŭ u jaho, tamu zatrymali abodvuch. Prabili potym pa bazie nakont Sašy, a jon z palitviaźniaŭ 2010 hoda, dyk paśla Akreścina advieźli abodvuch u KDB.
Mnie paviedamiŭ pra heta jašče adzin zatrymany: jaho vypuścili z Vaładarki, i jon raspavioŭ, što Sašu i Akichiru tam bili i katavali, kab jany padpisali pryznańnie.
Ad Sašy patrabavali padpisać pryznańnie, što jon byŭ va Uruččy kala «Śpiektra». A jaho tam naohuł nie było! Jon na mitynhi nie chadziŭ, viedajučy, što kali zatrymajuć, to ŭzhadajuć jamu 2010 hod. Syn ničoha nie padpisaŭ».
Pa słovach Taćciany Franckievič, ciapier i jaje syn, i Akichira Chanada na Vaładarcy. Jany siadziać u roznych kamierach. Chłopcaŭ abvinavačvajuć u masavych biesparadkach, na ich zaviali spravu pa častcy 2 artykuła 293 Kryminalnaha kodeksa — pakarańnie surjoznaje, ad 3 da 8 hadoŭ.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii8
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu13
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary