U Babrujsku chacieli vysielić prytułak dla sabak, ale jaho ŭratavali ludzi
U Babrujsku ŭdałosia vyratavać prytułak dla sabak tavarystva «Piać svabod», jakomu pahražała vysialeńnie. Za niekalki dzion nieabyjakavyja ludzi sabrali 105 tysiač rubloŭ, nieabchodnych dla vykupu ziamielnaha ŭčastka, na jakim znachodzicca prytułak. Ciapier ziamla naležyć tavarystvu, i 160 sabakam bolš nie pahražaje vysialeńnie, paviedamlaje «MohilevOnłajn».
Niekalki hadoŭ tamu tavarystva «Piać svabod» nabyło były budynak kaviarni i pieratvaryła jaho ŭ prytułak dla žyvioł. Paźniej arhanizacyja arandavała 36 sotak ziamli vakoł budynka i pastaviła tam valjery. Adnak uładalnik učastka vyrašyŭ vystavić ziamlu na prodaž.
Zoaabaroncy sprabavali adstajać svaje pravy ŭ sudzie, ale prajhrali spravu. Pavodle vyniesienaha rašeńnia, jany pavinny byli vyzvalić terytoryju da 2 kastryčnika.
Situacyju ŭziaŭ na asabisty kantrol staršynia Babrujskaha harvykankama Maksim Huryn. Ułady prapanoŭvali prytułku inšyja ŭčastki, ale ŭ arhanizacyi nie było srodkaŭ dla pierajezdu.
Tady ŭ «Piać svabod» vyrašyli pasprabavać samastojna vykupić ziamlu ŭ jaje ŭładalnika, kab zachavać prytułak na raniejšym miescy. Dla hetaha patrabavałasia 105 tysiač rubloŭ, jakich u arhanizacyi nie było. Tamu pradstaŭniki prytułku źviarnulisia da padpisčykaŭ praz Instagram z prośbaj pra dapamohu.
Nieabchodnuju sumu ŭdałosia sabrać usiaho za niekalki dzion. U vyniku ziamielny ŭčastak vykupiła tavarystva, a prytułak zastaŭsia na svaim miescy. Ciapier 160 sabak mohuć zastavacca tam u biaśpiecy.
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe19
Kamientary