Advakat Anton Hašynski paviedamiŭ Tut.by, što Vitalu Šklaravu źmienienaja miera strymańnia, jon vyjšaŭ na volu.
Vital Šklaraŭ byŭ zatrymany 29 lipienia, jamu vystavili abvinavačvańnie ŭ arhanizacyi i padrychtoŭcy dziejańniaŭ, jakija hruba parušajuć hramadski paradak («sprava Cichanoŭskaha»). Sam palittechnołah, budučy na voli, zajaŭlaŭ, što nie byŭ kansultantam Siarhieja Cichanoŭskaha i nikoli nie pracavaŭ na jaho.
11 kastryčnika Šklaraŭ byŭ na sustrečy z Łukašenkam u SIZA KDB.
Vital Šklaraŭ — uradženiec Homiela, žyŭ u ZŠA. Byŭ daradcam vybarčych kampanij Baraka Abamy, Bierni Sandersa, Anhieły Merkiel, Ksienii Sabčak, Dźmitryja Hudkova.
Žonka Šklarava — hramadzianka ZŠA, jana pracuje ŭ pasolstvie ŭ Kijevie. U Šklarava jość amierykanski dyppašpart.
Raniej byli vyzvalenyja ź SIZA hramadski dziejač Juryj Vaskrasienski, dyrektar PandaDoc Dźmitryj Rabcevič, a taksama hałoŭny buchhałtar Julija Šardyka i HR Uładzisłaŭ Michałap, advakat Illa Salej.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary