Na zaklik Cichanoŭskaj pratestujuć studenty i rabočyja, zakrylisia mnohija małyja i siarednija biznesy ANŁAJN
Budaŭniki pakazvajuć znak salidarnaści kałonie bastujučych studentaŭ u Minsku. Fota Alaksandry Pilipovič-Suščyc.
Minułaj nočču skončyŭsia termin ultymatumu, abvieščanaha Śviatłanaj Cichanoŭskaj uładam Biełarusi. Tam było try patrabavańni: Łukašenka pavinien abviaścić pra sychod, hvałt na vulicach pavinien spynicca całkam, usie palitviaźni pavinny być vyzvalenyja. Ale jany nie byli vykananyja, a ŭčorašnija akcyi pratestu skončylisia zatrymańniami. 26 kastryčnika raspačałasia ahulnanacyjanalnaja akcyja pratestu
15:05
Kolkaść demanstrantaŭ u kałonie piensijanieraŭ i studentaŭ abapał praśpiekta Niezaležnaści dasiahnuła 5000 čałaviek, paviedamlajuć karespandenty «Našaj Nivy». Kałona spuskajecca z Kastryčnickaj płoščy da płoščy Pieramohi.
15:01
U treci pryjezd da PVT zatrymanyja jak minimum siem čałaviek
14:55
Marš piensijanieraŭ dajšoŭ da Kastryčnickaj płoščy
14:44
U centr Minsk ściahvajuć vajskovuju techniku. U pracoŭnyja dni takoha nie zdarałasia voś užo niekalki tydniaŭ.
14:24
Transpart, jaki ruchajecca pa praśpiekcie nasustrač kałonie, jedzie vielmi pavolna, mašyny pastajanna sihnalać. Hałava kałony dajšła da HUMa, chvost — kala kinateatra «Centralny».
14:10
14:03
Tym časam studenty abjadnalisia ź piensijanierami
14:01
13:50
Na płoščy Niezaležnaści źbirajucca piensijaniery na čarhovy marš
13:21
13:10
13:04
dev.by
Hrupa bastujučych ajcišnikaŭ vyjšła da ŭvachoda ŭ PVT. Potym źjaviłasia infarmacyja, što ich stali razhaniać z dapamohaj śpiecsrodkaŭ.
12:56
Studenty zabłakavali Leninhradskuju vulicu. Tudy pryjechali ŭzbrojenyja siłaviki. Karespandent «Našaj Nivy» bačyŭ u adnaho ź ich aŭtamat Kałašnikava.
12:54
MTZ. «Pakul strajkoŭcy razyšlisia pa cechach, ale damovilisia sabracca paśla abiedu i znoŭ prajści maršam pa zavodzie. Udzielniki strajku kažuć, što da akcyi z roznych cechaŭ dałučałasia ŭsio bolš ludziej padčas maršu».
12:48
12:37
Na Leninhradskuju da Jurfaka BDU pryjechali dva busy, studenty raźbiehlisia. Tam było niekalki socień čałaviek.
12:35
Na METZ strajkoŭcy vystavili kiraŭnictvu patrabavańni, da pracy prystupać admovilisia. Kiraŭnictva sprabuje pałochać AMAPam, rychtujuć dakumienty na pazbaŭleńnie premii.
12:32
Supracoŭniki A1 vyjšli taksama na akcyju la hałoŭnaha ofisa kampanii.
U pres-słužbie kampanii adznačyli, što «A1 nie abmiažoŭvaje kanstytucyjnyja pravy svaich supracoŭnikaŭ, u tym liku prava na svabodu słova ci prava na vykazvańnie svajoj pazicyi lubym zakonnym sposabam, a najaŭnaść i adstojvańnie tych ci inšych palityčnych pohladaŭ ci hramadzianskaj pazicyi nie ŭpłyvaje na dalejšyja rašeńni pracadaŭcy ab najmańni, zvalnieńni abo prasoŭvańni supracoŭnikaŭ».
12:24
Nacyjanalny histaryčny muziej siońnia taksama nie pracuje.
12:10
Da Linhvistyčnaha ŭniviersiteta ruchajecca kałona studentaŭ BDU, BDTU i BDPU.
12:01
Pa paviedamleńniach vidavočcaŭ, kala MDŁU studenty i vykładčyki stali ŭ sčepku kala ŭvachodu va ŭniviersitet. Pobač dziažurać mašyny siłavikoŭ, paviedamlaje Onliner.by
11:54
Studenty žurfaka BDU
11:51
Niekalki mikraaŭtobusaŭ pryjechała da 18-aj himnazii pa vulicy Kalinina, pišuć nam čytačy. Jany ŭbačyli, jak siłaviki vyvieli kahości, mahčyma, školnikaŭ z rukami za śpinoj i pasadzili ich u aŭtazak.
11:46
11:35
Da zabastoŭki dałučyŭsia Nacyjanalny histaryčny archiŭ Biełarusi
11:30
11:28
Niekalki studentaŭ zatrymanyja kala Fiłarmonii
11:21
Vielmi šmat studentaŭ ciapier stajać va ŭnutranym dvoryku BDU pobač ź jurfakam. Jak pišuć čytačy, razam sa studentami BDU taksama studenty piedahahičnaha ŭniviersiteta
11:19
11:17
Da supracoŭnikaŭ MTS vyjšaŭ hienieralny dyrektar Uładzimir Karpovič. Jon skazaŭ, što «ŭsie, chto tam staić, siońnia ŭziali adhuł za svoj košt, a kiraŭnikam daručyŭ razabracca z supracoŭnikami». Prysutnyja razyšlisia, piša Tut.by
11:11
La žurfaka BDU staić «łancuh salidarnaści»
11:06
Siłaviki napali na studentaŭ BDUIRa na rahu praśpiekta Niezaležnaści i Kazłova.
11:05
10:57
Kałonu studentaŭ BNTU razahnali ŭ rajonie vulicy Daraševiča
10:50
Pobač ź internatami BNTU na Niezaležnaści — zatrymańni. Stajać busy i aŭtazak. DAI pierakryła darohu kala CUMa.
10:48
Dźvie kałony studentaŭ, BDPU i BDU, abjadnalisia ŭ adnu kala chimičnaha fakulteta BDU. Studenty skandujuć «Poka my jediny, my niepobiedimy».
10:46
10:45
Pišuć čytačy z BDTU. Studentka vyjšła na adzinočnuju akcyju. Adzin z prajektaraŭ ubačyŭ jaje i skazaŭ: «Treba jaje sfatahrafavać i adličyć». Praz paŭhadziny pobač ź dziaŭčynaj užo hrupa studentaŭ.
10:35
Studenty ŭ hałoŭnym korpusie BDU praciahvajuć siadziačuju akcyju pratestu
10:29
Nie pracujuć sajty piceryj Dominos i Pica-Lisica, afłajn-kramy oz.by, «Strymłajn» admianiŭ zaniatki.
10:28
Taksama ludzi vyjšli na hanak budynka la hałoŭnaha ofisa MTS. Tam ža znachodzicca Minski hadzińnikavy zavod.
10:27
Na MAZie rabočyja źbirajucca la centralnaj prachadnoj
10:25
Biełaruskija pramysłovyja pradpryjemstvy pracujuć u paniadziełak z ranicy ŭ štatnym režymie, zajaviŭ «Interfaksu» pamočnik ministra pramysłovaści Česłaŭ Šulha.
«Na dadzieny momant u nas niama infarmacyi, što pradpryjemstvy strajkujuć. Usie pradpryjemstvy pracujuć u štatnym režymie», - skazaŭ Šulha, kamientujučy paviedamleńni ab schodach rabočych i zakliki da pačatku zabastoŭki na šerahu bujnych pramysłovych pradpryjemstvaŭ.
Jon taksama zajaviŭ, što ŭ ministerstvie taksama «niama infarmacyi, što hrupy rabočych źbirajucca na pradpryjemstvach, kab strajkavać, ciapier usie pracujuć u štatnym režymie».
10:10
U BNTU zabłakavali padychody da hałoŭnaha korpusa, ale heta nie pieraškodziła studentam sabracca.
10:02
10:00
«Biełnaftachim» zajaviŭ, što infarmacyja pra zabastoŭku na «Hrodna Azocie» nie paćviardžajecca
«Zavod pracuje, techpracesy — u štatnym režymie. Zabastoŭki niama. Infarmacyja ŭ Telegram-kanałach nie paćviardžajecca», - skazaŭ pres-sakratar kancerna «Biełnaftachim» Alaksandr Ciščanka.
Pavodle jaho infarmacyi, siońnia ranicaj «hrupa da 100 čałaviek biezvynikova sprabavała błakavać vychad rabočych «Hrodna Azot»na źmienu».
«Bolšaść z hetaj hrupy ni da zavodu, ni da prafiesii rabočaha nie majuć adnosiny», — dadaŭ Alaksandr Ciščanka.
9:55
Biełkamunmaš. Paviedamlajuć, što na strajk vyjšli inžyniery. Taksama jość infarmacyja, što mnohija supracoŭniki ŭziali siońnia vychadny za svoj košt.
9:53
«Minski elektratechničny zavod. Stan na 9.40 — asnoŭnyja cechi i adździeły spynili pracu, ludzi prosta majuć znosiny adzin z adnym», — paviedamlaje Tut.by.
9:45
Na dadzieny momant bastuje 3 kurs fiłosafaŭ fakulteta fiłasofii i sacyjalnych navuk BDU. Stajać la hałoŭnaha ŭvachodu, što na Kalvaryjskaj. Da 10 hadzin da ich pavinien dałučycca žurfak i inšyja kursy FFSN.
9:41
9:35
9:26
Studenty Biełaruskaha mieduniviersiteta taksama sabralisia ŭ faje.
9:21
9:16
Jość infarmacyja, što presavy cech MTZ dałučajecca da zabastoŭki. Kiraŭnictva zavoda nie paćviardžaje.
9:15
Rabočyja Minskaha elektratechničnaha zavoda nie vyjšli na źmienu.
9:10
9:05
Na Dziaržynskaha pierakuliŭsia lehkavik. DAI afarmlaje avaryju, pryjechała chutkaja dapamoha
9:02
Padobna na toje, što Łukašenka pryjechaŭ u Pałac Niezaležnaści, piša Tut.by.
9:01
Jak raskazaŭ «Našaj Nivie» supracoŭnik MZKC, ranicaj va ŭnutranym dvary sabrałasia niekalki dziasiatkaŭ čałaviek, adbyłasia razmova ź ideołaham zavoda, paśla rabočyja rušyli ŭ bok cechaŭ.
Z prachadnoj čas ad času vychodziać tyja, chto napisaŭ zajavy na adhuł za svoj košt i takim čynam biare ŭdzieł u stačcy.
8:57
8:55
MTZ. Rabočyja iduć kałonaj pa cechach, źbirajuć ludziej na strajk. Administracyja rasparadziłasia začyniać cecha pierad kałonaj.
8:50
Zvonku na MZKC staić aŭtazak. Rabočyja źbirajucca na ŭnutranaj terytoryi.
8:47
8:45
MTZ, kavalski cech. Rabočyja vyjšli, plaskajuć i skandujuć «Dałučajsia».
8:42
Na terytoryi MZKC la adnaho z cechaŭ źbirajucca ludzi. Da strajkoŭcaŭ vyjšaŭ ideołah. Kaža, što prysutnyja parušajuć zakon.
8:38
8:37
8:35
U Minsku na praśpiekcie Dziaržynskaha AMAP razahnaŭ ludziej, jakija ź lichtarykami stajali ŭ łancuhu salidarnaści. Adnaho čałavieka zatrymali
8:32
Čytačy paviedamlajuć, što rabočyja «Hrodna Azot» pačali spynieńnie zavoda pa techpracesie. Raboty pačalisia ŭ cechu «Amijak-3».Pa paviedamleńniach «Biełsata», milicyjanty zatrymali ledź nie pałovu treciaj źmieny «amijaku». U vyniku ludzi admaŭlajucca prymać źmienu ŭ hetym cechu. Amapaŭcy siłaj zahaniajuć ludziej na pracu.
8:30
La hałoŭnaj prachadnoj Traktarnaha zavoda ŭ cełym pakul usio spakojna. Terytoryju patrulujuć siłaviki — jość u milicejskaj, jość u čornaj i ŭ bałakłavach. La vychadu ź mietro staić kupka maładych ludziej, da ich padychodzili, pytalisia, čaho stajać. Jašče chodziać ludzi ŭ cyvilnym.
8:20
Siońnia prykładna ŭ 7:30 ludzi z płakatam «Zabastoŭka» na 10 chvilin zabłakavali ruch na MKAD.
«Hrodna Azot». Ciapier hrupa ludziej z 100 čałaviek staić na terytoryi zavoda i nie razychodzicca. Asnoŭnaja masa pajšła pracavać.
8:05
U niekatorych častkach horada ŭstali łancuhi salidarnaści i pačalisia pierakryćci daroh. Paviedamlajecca pra łancuhi na Majakoŭskaha, u Michałova i Hrušaŭcy.
Daktary 4-j balnicy Minska ŭ łancuhu salidarnaści.
7:55
Kala minskich zavodaŭ MTZ i MZKC dziažurać aŭtazaki.
7:35
Siońnia ranicaj abviaścili pra zabastoŭku rabočyja na pradpryjemstvie «Hrodna Azot». Kala prachadnoj tam sabralisia kala sta čałaviek. Jany admaŭlalisia iści na źmienu. Da zavoda padjechali 5 milicejskich mašyn i dva aŭtobusy. Azotaŭcaŭ pačali zatrymlivać.
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin18
Kamientary