Zatyčki ŭ vušy i śvistok fihurujuć u jakaści dokazu ŭdziełu žančyny ŭ demanstracyi
Žycharku Minska Valžynu Šutavu pryznali vinavataj va ŭdziele ŭ prateście 8 listapada i asudzili da 10 sutak aryštu.
Jana adbyła ich u Žodzinie. Paśla vyzvaleńnia žančyna atrymała pratakoł suda — jaki doŭžyŭsia niekalki chvilin. Da svajho vialikaha ździŭleńnia, jana pračytała ŭ im, što siarod dokazaŭ jaje pravaparušeńnia ŭkazana, što ŭ jaje z saboj byli zatyčki ŭ vušy i śvistok.
Sudziŭ Volhu Šutavu sudździa Kanstancin Kaladaŭ, jaki raniej prasłaviŭsia tym, što adpraviŭ na sutki Natallu Kruk, žančynu ź niepaŭnaletnim dziciem, choć zakon heta zabaraniaje. A jašče raniej Kaladaŭ daŭ piedahohu ź Vilejki Volzie Šostak, mamie dvaich niepaŭnaletnich dziaciej štraf až 1215 rubloŭ.
Zatrymali Šutavu ŭviečary ŭ minskim mikrarajonie Sierabranka, dzie adbyvałasia akcyja pratestu.
«Sudździa, siarod inšaha, spytaŭ mianie, navošta ja našu z saboj śvistok (a našu jaho tamu, što ŭ mianie sabaka) i našto zatyčki ŭ vušy. Na maje adkazy jon skieptyčna kryviŭsia», — uspaminaje Valžyna.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary