Novaja madel GPT-6 Astra prosta ŭziała i prajšła ŭsie 48 uzroŭniaŭ kapčy «Ja nie robat»
Na dniach OpenAI vypuściła novuju madel štučnaha intelektu GPT-6 Astra.
Jana ŭmieje pracavać z dakumientami, prahramavać, stvarać hulni, hulać u ich, i heta ŭsio, viadoma, dobra — ale sapraŭdy važnaje dla čałaviectva pytańnie: ci ŭmieje jana prachodzić kapču? Akazałasia, što tak. Pryčym niadrenna, piša telehram-kanał 43.
Supracoŭnik OpenAI Šaryf Šamim prapanavaŭ novaj madeli prajści hulniu «Ja nie robat», jakaja imituje papularnyja varyjanty kapčy. ŠI paśpiachova spraviŭsia z usimi 48 uzroŭniami.
U cełym pra toje, što z raźvićciom ŠI tradycyjnaja kapča, stvoranaja dla abarony ad botaŭ u kancy 90‑ch hadoŭ, hublaje sens, viadoma ŭžo niekalki hadoŭ.
U 2024 hodzie Andreas Preśnier ź Ciurychskaha technałahičnaha instytuta raspracavaŭ madel ŠI, jakaja vyrašała reCAPTCHA v2 u 100% vypadkaŭ.
U toj ža čas Google, Cloudflare i inšyja kampanii pastajanna stvarajuć novyja varyjanty kapčy — naprykład, reCAPTCHA v3, Friendly CAPTCHA, hCAPTCHA i Turnstile, — jakija praviarajuć nie tolki vynik rašeńnia hałavałomki, ale i pavodziny karystalnika.
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary