U čaćvier u Mahilovie pačniecca sud nad bresckimi błohierami Kabanavym i Piatruchinym
11 lutaha pavinna pačacca sudovaje pasiadžeńnie nad bieraściejskimi błohierami Siarhiejem Piatruchinym i Alaksandram Kabanavym
Razhlad kryminalnaj spravy ŭ adnosinach da aŭtaraŭ kanała «Narodny reparcior» zapłanavany na 11, 16, 19 i 23 lutaha. Dakładna viadoma, što sudovaje pasiadžeńnie projdzie ŭ sudzie Kastryčnickaha rajona horada Mahilova, paviedamlaje «Novy čas».
Piatruchinu vystaŭlena abvinavačvańnie adrazu pa troch artykułach Kryminalnaha kodeksa — č. 1 art. 342 KK RB (Arhanizacyja hrupavych dziejańniaŭ, jakija hruba parušajuć hramadski paradak i spałučajucca ź vidavočnym niepadparadkavańniem zakonnym patrabavańniam pradstaŭnikoŭ ułady), art. 369 KK RB (Publičnaja abraza pradstaŭnika ŭłady ŭ suviazi z vykanańniem im słužbovych abaviazkaŭ) i art. 391 KK RB (Abraza sudździ abo narodnaha zasiadaciela ŭ suviazi z ažyćciaŭleńniem imi pravasudździa).
Błohiera Alaksandra Kabanava buduć sudzić pavodle č. 1 art. 342 i artykuła 369.
Kamientary