Na pracoŭnym miescy zatrymali doktara Rusłana Badamšyna. U studzieni jaho asudzili na 15 sutak, ale jon usio nie adsiedzieŭ
5 sakavika na pracoŭnym miescy zatrymali doktara RNPC nieŭrałohii i niejrachirurhii Rusłana Badamšyna, jakoha ŭ studzieni asudzili na 15 sutak aryštu. Pra heta Tut.by paviedamiła jaho žonka Taćciana.
— Rusłan patelefanavaŭ i papiaredziŭ, što jaho vyklikali da načmiedu i nie vyklučana, što pryjšli pa jaho. Potym mnie patelefanavaŭ zahadčyk adździaleńnia i paviedamiŭ, što muža zabrali, — raspaviała Taćciana Badamšyna.
Dzie ciapier znachodzicca jaje muž i pa jakoj pryčynie jaho «zabrali», Taćciana nie viedaje.
U studzieni Rusłana Badamšyna zatrymali pa darozie z palikliniki i asudzili za ŭdzieł u niesankcyjanavanym masavym mierapryjemstvie. Tady lekar chvareŭ na COVID-19, dvoje sutak jon pravioŭ na Akreścina, ale paśla suda jaho adpuścili. Jamu zastałosia adbyć jašče 13 sutak aryštu.
Sa žniŭnia 2020 hoda Rusłan Badamšyn byŭ zatrymany trojčy. U sumie jon pravioŭ pad aryštam 34 dni. Rusłan Badamšyn — nieŭrołah, u RNPC nieŭrałohii i niejrachirurhii jon pracuje na pasadzie doktara funkcyjanalnaj dyjahnostyki, śpiecyjalizujecca na spadčynnych i nabytych niejramyšačnych zachvorvańniach, u tym liku pracuje z pacyjentami sa SMA.
Kamientary