Biełaruski lon, jaki skaryŭ Paryž, i sukienki z bambuku. Što pradstaviać na pakazach etyčnaj mody ŭ Minsku? FOTY
Na Belarus Fashion Week u hetyja vychadnyja projduć pakazy etyčnaj mody. Čamu etyčnaj? Pry stvareńni adzieńnia dyzajniery zadumvalisia pra ekałohiju, vykarystoŭvali naturalnyja tkaniny i pierapracavanyja materyjały.
Kalekcyja bieraściejskaj dyzajnierki Tani Tur nazyvajecca «Jedu da tatki». Natchniła na jaje rodnaja vioska i sad. Dziaŭčyna abrała ziemlanyja kolery, kab raspavieści pra ŭzajemasuviaź pryrody i čałavieka, cudy paŭsiadzionnaści. Šerść, lon, šynelnaje sukno… Kaliści hetyja ŭbory skaryli Paryž — na fiestyvali słavianskaj mody «Čyrvonaja nić» bieraściejka ŭziała adzin z hałoŭnych pryzoŭ.
U pakazie ŭdzielničajuć i inšyja dyzajniery. Pavieł Kapcevič prezientuje kalekcyju, častka jakoj pašyta z tkanin z eŭkalipta i krapivy, brend Zanka — adzieńnie z dabaŭleńniem pierapracavanych materyjałaŭ. Brend «Kastrama» robić staŭku na pryhožyja i zručnyja rečy, jakija pa-za modnymi tendencyjami. A viciebskaja dyzajnierka Tamara Harydaviec pakaža sukienki-sarafany i spadnicy-piaredniki z bavoŭny, bambuku i naturalnaha šoŭku, natchnionyja biełaruskaj pryrodaj.
«I spažyŭcy, i dyzajniery pačynajuć uśviedamlać ekałahičnyja i sacyjalnyja nastupstvy chutkaj mody: pavieličeńnie vykidaŭ taksičnych rečyvaŭ ad tekstylnych fabryk, zabrudžvańnie vady ad vytvorčaści sintetyčnych vałoknaŭ, dehradacyja hleby i vymirańnie lasoŭ. Tamu tak važna prasoŭvać etyčnuju i ŭstojlivuju modu, što my i robim apošnija niekalki hod», — dzielicca zasnavalnica Belarus Fashion Week i staršynia Biełaruskaj pałataj mody Janina Hančarova.
Pakazy pravodzicca pry padtrymcy A1. Praz epidemiju karanavirusu ŭ zale hledačoŭ nie budzie. Ale ŭsie achvotnyja mohuć pabačyć pakaz u žyvym efiry na sajcie voka.tv albo ŭ dadatku VOKA — 3 sakavika ŭ 16.00 i 4 sakavika ŭ 18.30.
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ13
Kamientary