Fond Navalnaha: Prapahandyst Prydybajła atrymlivaje bolš za $4000 na Russia Today
Fond baraćby z karupcyjaj Alaksieja Navalnaha apublikavaŭ źviestki, kolki zarablajuć supracoŭniki prapahandysckaha kanała Russia Today. U ruki fonda trapili dakumienty z raskładam supracoŭnikaŭ miedyjachołdynha, ich zarobkami. U śpisach znajšoŭsia i Kanstancin Prydybajła — vypusknik humanitarnaha fakulteta BDU.
Jon naradziŭsia ŭ Rasii, u 2000-ch ź siamjoj pierajechaŭ na radzimu baćkoŭ u Homielskuju vobłaść. Paśla ŭniviersiteta vioŭ prahramu «Dobraj ranicy, Biełaruś» na BT, paśla pracavaŭ u Rasii na rehijanalnym kanale Life78 i radyjo «Kamsamolskaja praŭda». U dadzieny momant jon źjaŭlajecca karespandentam rasijskaha telekanała RT, viadoŭcam šou na Jutubie «Priekrasnaja Rośsija bu-bu-bu».
Kanstancin Prydybajła aśviatlaŭ dla RT paślavybarčyja pratesty ŭ Biełarusi, 10 žniŭnia jaho navat zatrymali, ale ŭ toj ža dzień adpuścili. BT vykarystoŭvała karcinku rasijskaha kanała dla svaich siužetaŭ. Čutki pra źjaŭleńnie rasijskich prapahandystaŭ na BT paśla masavaha zvalnieńnia supracoŭnikaŭ paćviardžaŭ sam Prydybajła.
Paźniej u adnym z efiraŭ pieradačy Uładzimira Sałaŭjova Prydybajła dahavaryŭsia da taho, što nazvaŭ biełarusaŭ «tupymi»: «Biełarusy — kankretna tupyja ludzi. Palityčna niepiśmiennyja», — skazaŭ jon. Sałaŭjoŭ jaho ažno prysaromiŭ: «Kościa, pierastań. Vialiki narod, narod-pieramožca, najrazumniejšy…» Paśla žurnalist jak byccam by vybačyŭsia i patłumačyŭ, što jon nie toje mieŭ na ŭvazie.
Dyk voś, pavodle źviestak FBK, Kanstancin Prydybajła atrymlivaje na RT štomiesiac 314 tysiač rasijskich rubloŭ (krychu bolš za 4000 dalaraŭ).
Čytajcie taksama: «Skažu dzieciam, što Kościa pamior»: prapahandysta Prydybajłu nie zaprasili na viasielle najlepšaha siabra
U Lepieli zatrymali palaka, jaki nibyta zdabyŭ dakumienty vučeńniaŭ «Zachad-2025»10
Kamientary