Kala minskaha parku Družby narodaŭ znosiać savieckuju dyśpietčarskuju stancyju FOTY
Na skryžavańni vulic Kulman i Lili Karastajanavaj pačaŭsia demantaž savieckaj aŭtastancyi, adnak budaŭniki źnieśli tolki pałovu budynka. Vieterynarnuju kliniku ekskavatary razburyli litaralna za niekalki dzion, a susiedniaje kryło z kaviarniaj pakul nie kranuli. Ustanova praciahvaje pracavać prosta pad šum ciažkaj techniki, piša Domovita.by.
Ciapier heta miesca pieražyvaje maštabnuju madernizacyju ŭ suviazi z praciaham darohi ŭ bok žyłoha kompleksu «Paŭnočny bierah», jakomu patrebnaja novaja transpartnaja mahistral.
Vietkliniku źnieśli da padmurkaŭ, a kaviarniu nie kranuli
Na placoŭcy kala skryžavańnia vulic Kulman i Lili Karastajanavaj čuvać šum budaŭničaj techniki. Ad kryła, dzie pracavała vieterynarnaja klinika, zastałasia tolki kuča bitych cahlin i abłomkaŭ. Na placoŭcy pracuje ekskavatar, jaki pavolna raźbiraje zavały kaŭšom.
Pry hetym susiedniaja častka budynka vyhladaje całkam niekranutaj. U kaviarni Coffee Everyday pa-raniejšamu prymajuć naviednikaŭ, praŭda, paśla apoŭdnia ŭviali techničny pierapynak. Darečy, dla stalicy heta redki vypadak: padčas hramadskich abmierkavańniaŭ žychary rajona nastolki aktyŭna vystupali za zachavańnie ŭstanovy, što prajekt pierahledzieli i nie stali znosić uvieś budynak.
Adrazu za ścianoj kaviarni praciahvajucca raboty na adkrytym pavietry. Budaŭniki ŭščylniajuć žvirovuju asnovu pad novy asfalt. Tut zrobiać novaje razvarotnaje koła dla haradskich aŭtobusaŭ i tralejbusaŭ.
Daroha da «Paŭnočnaha bieraha» i novaja dyśpietčarskaja płoščaj 370 kvadratnych mietraŭ
Usie hetyja źmieny źviazanyja z raźvićciom infrastruktury na poŭnačy stalicy. Vulicu Lili Karastajanavaj praciahvajuć niepasredna da MKAD, kab złučyć novy žyły kompleks «Paŭnočny bierah» z centram horada. Staraja dyśpietčarskaja stancyja «Karastajanavaj» apynułasia prosta na trasie budučaj mahistrali, tamu jaje daviałosia likvidavać.
Zamiest jaje chutka znajšli inšaje miesca. Novy transpartny vuzieł vyrašyli viarnuć na vulicu Kulman — mienavita tut u savieckija časy ŭžo pracavała dyśpietčarskaja stancyja, pakul terytoryju nie zaniali aŭtastajanka, vieterynarnaja klinika i ŭstanovy hramadskaha charčavańnia. Ciapier usio viartajecca da raniejšaha stanu: stajanku zakryli, stary budynak častkova razabrali, a na vyzvalenaj placoŭcy budujuć novuju dyśpietčarskuju stancyju «Kulman» dla «Minsktransa».
Novy adnapaviarchovy budynak budzie mieć płošču kala 370 kvadratnych mietraŭ. Unutry raźmieściać zału čakańnia na 30 miescaŭ, kasy, aŭtamatyčnyja kamiery zachoŭvańnia i miedpunkt. Dla pasažyraŭ i rabotnikaŭ adkryjuć bufiet na 20 miescaŭ, a dla kiroŭcaŭ abstalujuć asobny pakoj adpačynku.
Što budzie z parkoŭkaj i jak źmieniacca maršruty transpartu
Pytańnie z zakrytaj aŭtastajankaj taksama vyrašyli. Dla miascovych aŭtamabilistaŭ pobač arhanizujuć alternatyŭnuju parkoŭku. Placoŭka vyzvalicca paśla taho, jak enierhietyčnyja słužby zavieršać madernizacyju padstancyi «Staražoŭskaja».
Z adkryćciom novaj stancyi źmienicca i ruch hramadskaha transpartu. Tralejbusy № 22, 40 i 40A buduć jeździć da dyśpietčarskaj «Kulman» praz vulicy Krapotkina, Viery Charužaj, bulvar Šaŭčenki i Kachoŭskuju. Takim čynam, ruch adnoviać u abodvuch napramkach.
Aŭtobusy № 44 i 136 nakirujuć da novaha transpartnaha vuzła pa vulicach Niakrasava i Lili Karastajanavaj. Dla maršrutaŭ №19, 68, 105, 105D i 131 kancavy prypynak dla vysadki pasažyraŭ pieraniasuć ad parku Družby narodaŭ niepasredna da novaj stancyi.
Novyja mahistrali i most cieraz Drazdy. Jakoj budzie darožnaja sietka na poŭnačy Minska
Kala płoščy Banhałor u Minsku vyras jašče adzin zvyšsakretny abjekt
Ci praviaduć mietro ŭ «Paŭnočny bierah» i jak rekanstrujujuć Daŭhinaŭski trakt. Jakija pieramieny čakajuć Centralny rajon stalicy
U Minsku pašyrać vulicu Karastajanavaj i Daŭhinaŭski trakt
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje21
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary