Ad adnaho ŭdaru USU pa Daniecku zahinuli jak minimum 20 rasijskich aficeraŭ
U vyniku rakietnaha ŭdaru Uzbrojenych sił Ukrainy pa Daniecku 26 žniŭnia zahinuli jak minimum 20 rasijskich aficeraŭ. Pavodle rasśledavańnia «Miedyjazony», heta najbolšaja viadomaja kolkaść aficeraŭ rasijskaj armii, jakija zahinuli ŭ vyniku adnoj ataki za čas rasijska-ŭkrainskaj vajny.
Vasiamnaccać vajskoŭcaŭ pamierli ŭ dzień udaru, jašče dvoje paźniej skanali ad atrymanych ranieńniaŭ.
Zahinułyja słužyli ŭ štabach hrupoŭki vojskaŭ «Centr» — štabie Centralnaj vajskovaj akruhi i štabie 41‑j ahulnavajskovaj armii. Žurnalisty ŭstanavili imiony zahinułych, supastaviŭšy śpisy asabovaha składu vajskovych čaściej ź dziaržaŭnymi rejestrami spadčynnych spraŭ i inšymi krynicami, a taksama vyvučyŭšy niekrałohi vysokapastaŭlenych aficeraŭ. Vykarystanyja śpisy asabovaha składu byli aktualnyja na lipień 2025 hoda.
Rakietny ŭdar byŭ naniesieny ŭviečary 26 žniŭnia. Kiraŭnik akupacyjnaj administracyi Daniecka Dzianis Pušylin zajaviŭ, što cellu staŭ handlovy centr «Danieck Sici». Pavodle jaho słoŭ, tady byli paranienyja vosiem čałaviek, u tym liku dvoje dziaciej i dźvie žančyny. Jon śćviardžaŭ, što vykarystoŭvalisia rakiety Storm Shadow/SCALP-EG.
Telehram-kanał Exile+ paviedamlaŭ, što adzin z udaraŭ pryjšoŭsia pa budynku na praśpiekcie Iljiča, 97, dzie da vajny raźmiaščalisia navukova-daśledčyja i pramysłovyja ŭstanovy. Ukrainski kanał «KibierBorošno» pisaŭ, što inšaj cellu mahła być padziemnaja parkoŭka na 600 mašynamiescaŭ pad niedabudavanym žyłym kompleksam, pa jakoj nibyta trapili šeść rakiet.
Ukrainskija OSINT-prajekty mierkavali, što abodva abjekty vykarystoŭvalisia rasijskimi vajskoŭcami jak kamandnyja punkty. Pavodle źviestak Exilenova+, u vyniku ŭdaru zahinuli 27 čałaviek, jašče 58 byli paranienyja. Siarod ciažkaparanienych, jak paviedamlałasia, byli dva hienierały.
Siarod zahinułych supracoŭnikaŭ štaba Centralnaj vajskovaj akruhi žurnalisty nazvali vaśmiarych aficeraŭ:
- 38‑hadovy pałkoŭnik Arciom Biardziuhin, načalnik adździeła płanavańnia i kaardynacyi raźviedki;
- 50‑hadovy pałkoŭnik Alaksandr Kalanaŭ, načalnik adździeła śpiecyjalnaj raźviedki;
- 47‑hadovy pałkoŭnik Siarhiej Lohki, namieśnik načalnika vojskaŭ radyjoelektronnaj baraćby;
- 39‑hadovy padpałkoŭnik Juryj Žyhałaŭ, načalnik adździaleńnia sumiesnaj padrychtoŭki i ŭzajemadziejańnia z rodami vojskaŭ;
- 37‑hadovy major Siarhiej Łykaŭ, aficer apieratyŭnaha adździeła rakietnych vojskaŭ i artyleryi;
- 41‑hadovy major Viačasłaŭ Łatyšaŭ, aficer inžyniernych vojskaŭ;
- 34‑hadovy major Dźmitryj Aŭčarenka, načalnik adździaleńnia inžyniernaj padrychtoŭki;
- 36‑hadovy major Anton Ščerbanieŭ, aficer adździeła płanavańnia i kaardynacyi raźviedki.
U štabie 41‑j ahulnavajskovaj armii zahinuli dzieviać aficeraŭ. Siarod ich:
- 48‑hadovy pałkoŭnik Siarhiej Łapcieŭ, načalnik adździeła i namieśnik načalnika štaba apieratyŭnaha adździeła;
- 55‑hadovy pałkoŭnik Vasil Łatyšaŭ, načalnik štaba rakietnych vojskaŭ i artyleryi;
- 39‑hadovy pałkoŭnik Jaŭhien Cimkin, načalnik adździeła inžyniernych vojskaŭ;
- 42‑hadovy padpałkoŭnik Arciom Akimaŭ, namieśnik načalnika vojskaŭ supraćpavietranaj abarony;
- 42‑hadovy padpałkoŭnik Andrej Maisiejenka, staršy aficer apieratyŭnaha adździeła štaba armii;
- 43‑hadovy padpałkoŭnik Rustam Fachrutdzinaŭ, načalnik raźviedki i namieśnik načalnika štaba pa raźviedcy;
- 34‑hadovy major Aleh Bierazoŭski, aficer pa abaronie infarmacyi;
- 28‑hadovy kapitan Kirył Pałazkoŭ, aficer raźviedvalnaha adździeła;
- 26‑hadovy staršy lejtenant Aleh Hałubienka, aficer adździaleńnia raźviedki i aŭtamatyzavanaj sistemy kiravańnia vojskami.
Jašče troje zahinułych słužyli ŭ inšych padraździaleńniach abo mieli nieviadomaje miesca słužby:
- 51‑hadovy pałkoŭnik Andrej Kraśćianski, staršy vykładčyk-inśpiektar centra padrychtoŭki kiraŭničaha składu złučeńniaŭ Ministerstva abarony;
- 35‑hadovy padpałkoŭnik Dzianis Paŭłaŭ, apošnim viadomym miescam słužby jakoha byŭ 15‑y motastrałkovy połk;
- 46‑hadovy padpałkoŭnik Viktar Basienka, raniej načalnik štaba materyjalna-techničnaha zabieśpiačeńnia 25‑j ahulnavajskovaj armii.
Akramia hetaha, «Miedyjazona» vyjaviła jašče dva vypadki masavaj hibieli štabnych aficeraŭ 41‑j armii. 4 žniŭnia 2026 hoda zahinuli vosiem vajskoŭcaŭ, a 8 vieraśnia 2025 hoda — čaćviora.
U žniŭni 2026 hoda zahinuli:
- 52‑hadovy padpałkoŭnik Alaksiej Furzikaŭ, apieratyŭny dziažurny i namieśnik načalnika terytaryjalnaha centra kiravańnia štaba 41‑j armii;
- 42‑hadovy padpałkoŭnik Siarhiej Aŭdziejeŭ, načalnik adździaleńnia padrychtoŭki rakietnych vojskaŭ i artyleryi;
- 29‑hadovy major Mirza Mirzojeŭ, staršy aficer apieratyŭnaha adździaleńnia inžyniernych vojskaŭ;
- 39‑hadovy major Siamion Biełanožka, aficer vojskaŭ radyjacyjnaj, chimičnaj i bijałahičnaj abarony;
- 36‑hadovy major Pavieł Safonaŭ, aficer tapahrafičnaj słužby;
- 39‑hadovy kapitan Siarhiej Avieryn, staršy aficer adździaleńnia płanavańnia i prymianieńnia bieśpiłotnych sistem;
- 30‑hadovy kapitan Mikałaj Zabnin, aficer supraćpavietranaj abarony;
- 34‑hadovy lejtenant Alaksandr Novikaŭ, aficer apieratyŭnaha adździeła štaba armii.
U vieraśni 2025 hoda zahinuli:
- 39‑hadovy padpałkoŭnik Siarhiej Kanaploŭ, načalnik adździaleńnia suviazi štaba 41‑j armii;
- 37‑hadovy major Faat Nazipaŭ, aficer adździeła suviazi;
- 46‑hadovy major Andrej Asiucin, načalnik adździeła suviazi;
- 33‑hadovy lejtenant Alaksiej Maćkoŭ, aficer taho ž adździeła.
U avijakatastrofie bambardziroŭščyka Tu-95MS u Rasii zahinuli dva padpałkoŭniki i dva majory
U akupavanym Sievastopali ŭzarvali aŭtamabil. Jaho ŭładalnik paranieny
Što viadoma pra straty Rasii va Ukrainie na kaniec žniŭnia?
U Sievastopali ŭzarvali byłoha kamandzira ŭkrainskaj padłodki, jaki pierajšoŭ na bok Rasii
Pry atacy na turbazu ŭ akupavanaj Kiryłaŭcy Zaparožskaj vobłaści zahinuŭ supracoŭnik Raskamnahladu, jaki ŭdzielničaŭ u «SVA», i jaho dzieci
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami14
Kamientary